|
|
Агульнауніверсітэцкія кафедры
Кафедра замежных моў
Адрас: 220001, г. Мінск, вул. Рабкораўская, 17
каб. 617 (заг. кафедры), 618, тэл. (017) 222 83 25
 Загадчык кафедры – кандыдат філалагічных навук дацэнт Кускоў Міхаіл Іванавіч.
Кафедра створана ў 1975 г. і забяспечвае выкладанне англійскай, нямецкай, французскай, іспанскай і італьянскай моў на ўсіх факультэтах універсітэта, а таксама ў групах магістрантаў і аспірантаў. У якасці спецдысцыпліны замежная мова выкладаецца на факультэце інфармацыйна-дакументных камунікацый.
З 2005 г. кафедра курыруе спецыяльнасць “Лінгвістычнае забеспячэнне міжкультурнай камунікацыі (інфармацыйнае абслугоўванне)” са спецыялізацыяй "Аўтаматычная апрацоўка тэкстаў", а таксама спецыялізацыю “Замежная мова” па спецыяльнасці “Бібліятэказнаўства і бібліяграфія”.
Штат кафедры складаюць шаснаццаць выкладчыкаў, у іх ліку два кандыдаты навук.
Кірункі навукова-даследчай работы.
Навукова-даследчая работа выкладчыкаў кафедры ў розны час праводзілася па наступных кірунках: “Прыкладная лінгвістыка”, “Вывучэнне моўных сістэм”, “Актывізацыя пазнавальнай дзейнасці студэнтаў”, “Інтэнсіфікацыя працэса вывучэня замежных моў”, “Мова ў сферы культуры. Семантыка-сінтаксічная характарыстыка прафесійна-арыентаваных тэкстаў”, “Праблемы методыкі выкладання замежных моў”, “Лінгва-метадычныя і псіхолага-педегагічныя асновы выкладання замежных моў”. Па выніках навуковых даследаванняў выкладчыкамі кафедры апублікаваны навуковыя артыкулы, вучэбныя дапаможнікі. За перыяд з 1996 па 2006 гг. было надруквана 52 працы, сярод іх – 6 вучэбных дапаможнікаў па кожнай вывучаемай мове. Выкладчыкамі кафедры за гэты перыяд зроблена 130 дакладаў на навукова-метадычных канферэнцыях БДУКіМ і іншых ВНУ, пад іх кіраўніцтвам падрыхтавана 117 студэнцкіх дакладаў рознай тэматыкі (лінгвістычнай, культуралагічнай, літаратуразнаўчай, краіназнаўчай) на студэнцкія навуковыя канферэнцыі.
З 2006 г. на кафедры распрацоўваецца навуковая тэма “Лінгва-метадычныя і псіхолага-педагагічныя асновы выкладання замежных моў”.
Кафедра беларускай філалогіі і сусветнай літаратуры
Адрас: 220001, г. Мінск, вул. Рабкораўская, 17
каб. 420 (заг. кафедры), 417, тэл. (017) 222 83 23
Загадчык кафедры – доктар філалагічных навук прафесар Тычко Галіна Казіміраўна.
Кафедра беларускай філалогіі і сусветнай літаратуры носіць такую назву з 2006 года. Да гэтага часу з 1975 года існавалі дзве асобныя кафедры – беларускай філалогіі і сусветнай літаратуры.
Кафедра курыруе здвоеную спецыяльнасць “Бібліятэказнаўства і бібліяграфія. Беларуская мова і літаратура”. Выпускнікам кафедры прысвойваецца кваліфікацыя “Бібліятэкар-бібліёграф. Выкладчык беларускай мовы і літаратуры”. Такія спецыялісты, засвоіўшы сацыяльна-гуманітарныя вучэбныя курсы, авалодаўшы спецыяльнымі дысцыплінамі філалагічнага і бібліятэчнага цыклаў, з поспехам працуюць як у сферы культуры, так і адукацыі.
Вучэбны працэс забяспечваюць чатырнаццаць выкладчыкаў. У іх ліку адзін доктар філалагічных навук і дзевяць кандыдатаў навук.
Дысцыпліны спецыялізацыі: “Сучасная беларуская літаратурная мова”, “Асновы культуры мовы і стылістыкі”, “Гісторыя беларускай літаратуры”, “Методыка выкладання беларускай мовы і літаратуры”, “Агульнае мовазнаўства”, “Сусветная літаратура”, “Тэорыя літаратуры”, “Рыторыка”, “Лінгвістычны аналіз тэксту”, “Шэдэўры сусветнай літаратуры” і інш.
Кірункі навукова-даследчай работы
Кафедральная тэматыка навукова-даследчай работы тычыцца праблем тэорыі і гісторыі беларускай і сусветнай філалогіі. З 2000 па 2008 гады выкладчыкамі кафедры апублікавана больш за 300 прац. Сярод іх 4 манаграфіі: І.П. Клімаў “Рэфармацыя ў гісторыі літаратурных моў славян”, А.М.Пісарэнка “Дэрывацыя і функцыя экспрэсіўных прыметнікаў у мове народна-паэтычных твораў”; Г.К.Тычко “Творчасць Янкі Купалы і традыцыі духоўнай рэгіянальнасці ў польскай літаратуры ХІХ – пачатку ХХ стагоддзяў”, С.М.Тычына “Сны і снабачанні Яна Баршчэўскага”; 7 падручнікаў для агульнаадукацыйных школ; 15 вучэбных дапаможнікаў (В.А.Гуліцкая, А.М.Пісарэнка “Культура мовы”, А.М.Пісарэнка “Функцыянальная стылістыка”, Н.А.Булацкая “История русской литературы ХІХ века в схемах и комментариях”, Г.Р.Дуркіна “Литература постмодернизма” і інш.); сотні артыкулаў, рэцэнзіі, вучэбныя праграмы.
З 2006 г. выкладчыкі кафедры працуюць над навуковымі тэмамі “Функцыянаванне мовы на сучасным этапе” і “Літаратура і культура: кантактна-генетычныя сувязі”.
Кафедра філасофіі
Адрас: 220001, г. Мінск, вул. Рабкораўская, 17
каб. 615, тэл. (017) 223 04 46
-
 Гісторыю свайго развіцця кафедра пачынае з моманту. Супрацоўнікі кафедры чытаюць лекцыйныя курсы па філасофіі, релігіязнаўстве, этыцы, эстэтыцы, логіцы. Прафесары і дацэнты кафедры праводзяць заняткі для магістрантаў і аспірантаў, чытаецца курс «Філасофіяі метадалогія навукі» для здачы экзамену кандыдатскага мінімума. У складзе кафедры працуюць 2 дактары філасофскіх навук, 5 прафесараў, 6 кандыдатаў навук. З 2004 г. кафедру ўзначальвае доктар філасофскіх навук, прафесар М.А.Мажэйка. Сфера навуковай дзейнасці кафедры – сучасная сацыяльная філасофія і філасофія культуры, крос-культурныя даследаванні, гісторыя філасофіі Беларусі. У рамках праграмы Фонду фундаментальных даследавання ў Нацыянальнай акадэміі навук Рэспублікі Беларусь кафедра працуе над навукова-даследчай тэмай “Феномен нацыянальна-культурнай ідэнтычнасці ва ўмовах глабалізацыі: дынаміка і шляхі захавання (на матэрыяле сучаснай беларускай культуры)”. Пад эгідай ЮНЕСКА ў БДУ культуры і мастацтваў была заснавана галерэя “Філасофскі летапіс Беларусі”.
Кафедра фізічнага выхавання і спорту
Адрас: 220001, г. Мінск, вул. Рабкораўская, 17
каб. 613, тэл. (017) тэл. 222-83-25
 Загадчык – старшы выкладчык Абрамовіч П.А.
Кафедра заснавана ў 1975 годзе. Асноўная задача кафедры – гэта арганізацыя і правядзенне вучэбных заняткаў. Разам з тым, з самага пачатку свайго існавання, дзейнасць кафедры накіравана на арганізацыю і правядзенне аздараўленчых і фізкультурных мерапрыемстваў у рэжыме вучэбнага дня ва універсітэце і студэнцкіх інтэрнатах; на фарміраванне і падрыхтоўку спартыўных каманд для ўдзелу ва універсітэцкіх, раённых, гарадскіх, рэспубліканскіх спаборніцтвах па розных відах спорту.
Кафедра фізічнага выхавання і спорту пастаянна звяртае ўвагу на пошук новых форм і метадаў фізкультурна-аздараўленчай і спартыўна-масавай работы, на арганізацыю і правядзенне мерапрыемстваў па прапагандзе фізічнай культуры і спорту і здаровага ладу жыцця.
Кафедра псіхалогіі і педагогікі
Адрас: 220001, г. Мінск, вул. Рабкораўская, 17
каб. 411, тэл. (017) 222-83-23
 Загадчык — Малахава Ірына Аляксандраўна
Кафедра псіхалогіі і педагогікі была заснавана ў 1981 годзе. Стварэнне кафедры абумоўлена неабходнасцю павышэння псіхалагічнай культуры будучых кіраўнікоў творчых калектываў і супрацоўнікаў бібліятэк, фарміравання навыкаў міжасобаснага ўзаемадзеяння ва ўстановах сацыякультурнай сферы, забеспячэння студэнтаў ведамі, уменнямі і навыкамі па псіхолага-педагагічным цыкле дысцыплін.
У розныя часы кафедрай загадвалі кандыдат псіхалагічных навук, дацэнт Яноўскі М.З., кандыдат гістарычных навук, дацэнт Рагачова Л.М., доктар педагагічных навук , прафесар Агурцоў М.Г. Сення яе ўзначальвае кандыдат педагагічных навук, дацэнт Малахава І.А.
На кафедры ажыццяўляецца падрыхтоўка студэнтаў па ўсім цыкле псіхолага-педагагічных дысцыплін, мэтай якой з’яўляецца падрыхтоўка студэнтаў да будучай прафесійнай педагагічнай дзейнасці.
Вучэбны працэс на кафедры ажыццяўляюць 4 дактары навук, 9 кандыдатаў навук, 7 дацэнтаў, 2 прафесары. Высокі навукова-педагагічны патэнцыял супрацоўнікаў кафедры дазваляе ўдасканальваць якасць вучэбнага працэсу, укараняць новыя педагагічныя тэхналогіі навучання, распрацоўваць і ўкараняць сучасныя метады кантролю дыягностыкі ўзроўню ведаў студэнтаў. На кафедры паспяхова ўкараняюцца методыкі інтэрактыўнага навучання, праблемна-пошукавыя метады работы, рэйтынгавыя методыкі кантролю якасці навучання, актыўна выкарыстоўваюцца сучасныя мультымедыйныя сродкі навучання.
Праблемы вучэбна-выхаваўчага працэсу знаходзяць свае навуковае абгрунтаванне ў навуковай кафедральнай тэме, у межах якой ствараецца мадэль псіхолага-педагагічнай падрыхтоўкі спецыялістаў для сацыякультурнай сферы. Арганізацыйна-метадычная і выхаваўчая работа кафедры накіравана на фарміраванне творча актыўнага спецыяліста сферы культуры і мастацтва.
Сярод аўтараў найбольш значных навуковых і вучэбна-метадычных прац, падрыхтаваных на кафедры можна назваць, Грыгаровіч Я.Д. (“Эстэтычная накіраванасць асобы студэнта: педагагічны аспект”. - Мінск, 2002 г.), Грачову В.А. (“Мировая и художественная культура “. –Минск , 2002 г.), Кузьмініча М.Л. (“Гісторыя музычнага выхавання і адукацыі: ад старажытнасці да ХІХ стагоддзя”. – Мінск, 2002 г.), Малахаву І.А. (“Развитие личности: способность к творчеству, одаренность, талант “.- Ч.1, Минск, 2002 г.; “Развитие личности: художественно-творческая деятельность” – Ч.2, Минск, 2003 г.; “Развитие креативности личности в социокультурной сфере: педагогический аспект”. – Минск, 2006 г.) і іншых.
| |
