Факультэт завочнага навучання

220001, Мінск, вул.Рабкораўская, 17, вучэбны корпус № 1, 5 паверх, каб.520
тэл. (017) 222-83-06

Дэкан – Марэцкі Антон Іванавіч, кандыдат філасоўскіх навук, прафесар. Факультэт завочнага навучання пачаў дзейнічаць з 1 кастрычніка 1975 года. За час існавання факультэта звыш 15000 студэнтаў атрымалі вышэйшую адукацыю па розных спецыяльнасцях і спецыялізацыях у галіне культуры.

Сярод выпускнікоў – кіраўнікі і супрацоўнікі бібліятэк Рэспублікі Беларусь, спецыялісты вядучых кампаній у галіне інфармацыйных тэхналогій, устаноў культуры, артысты вядучых прафесійных калектываў, кіраўнікі аматарскіх аб'яднанняў.

Сярод выкладчыкаў факультэта завочнага навучання – прафесары і дацэнты, народныя і заслужаныя артысты, дзеячы мастацтваў, заслужаныя работнікі культуры.

На чатырох аддзяленнях факультэта навучаюцца грамадзяне не толькі Республікі Беларусь, але і іншых краін.

Тэрмін навучання на факультэце – 5-6 гадоў. Устаноўчая сесія пачынаецца ў верасні і доўжыцца 12 дзён. У гэты час студэнтам даюцца метадычныя рэкамендацыі да засваення пэўных дысцыплін. Экзаменацыйна-лабараторная сесіі (зімовая і летняя) склікаюцца 2 разы на год, дзе студэнты здаюць кантрольныя і курсавыя работы, залікі і экзамены.

Некалькі разоў на год (у залежнасці ад курса) праводзіцца дзень завочніка, калі студэнты могуць атрымаць кансультацыю выкладчыка, а таксама здаць запазычанасці.

Аддяленне культуралогіі і сацыяльна-культурнай дзейнасці

· Спецыяльнасць – культуралогія (спецыялізацыі – сусветная і айчынная мастацкая культура, менеджмент сацыяльнай і культурнай сферы, менеджмент міжнародных культурных сувязей, тэорыя і гісторыя культуры, інфармацыйныя сістэмы ў культуры).

· Спецыяльнасць – мастацтвазнаўства (спецыялізацыя – кампаратыўнае мастацтвазнаўства).

· Спецыяльнасць – сацыяльна-культурная дзейнасць (спецыялізацыі – арганізацыя і методыка сацыяльна-культурнай дзейнасці ў культурна-адпачынкавых установах, арганізацыя і методыка сацыяльна-культурнай дзейнасці ў тэатральна-відовішчных установах, арганізацыя і методыка сацыяльна-культурнай дзейнасці ў санаторна-аздараўленчых і турысцка-спартыўных установах).

Аддяленне традыцыйнай беларускай культуры і сучаснага мастацтва

· Спецыяльнасць – народная творчасць (спецыялізацыі – народныя рамёствы, тэатральная творчасць).

· Спецыяльнасць – рэжысура (спецыялізацыя – рэжысура свят (народныя).

· Спецыяльнасць – харэаграфічнае мастацтва (спецыялізацыя – народны танец).

Аддяленне музычнага мастацтва

· Спецыяльнасць – народная творчасць (спецыялізацыі – харавая музыка акадэмічная, харавая музыка народная, інструментальная музыка народная, інструментальная музыка духавая).

· Спецыяльнасць – мастацтва эстрады (спецыялізацыя – інструментальная музыка).

У 1996 годзе быў адкрыты філіял факультэта завочнага навучання на базе Мазырскага музычнага вучылішча з мэтай забеспячэння ўстаноў культуры Гомельскай вобласці спецыялістамі вышэйшай кваліфікацыі. Падрыхтоўка спецыялістаў ажыццяўляецца па спецыялізацыях – харавая музыка народная, інструментальная музыка народная.

Аддяленне інфармацыйна-дакументных камунікацый

· Спецыяльнасць – бібліятэказнаўства і бібліяграфія (спецыялізацыі – бібліятэчна-бібліяграфічнае краязнаўства, інфармацыйнае забеспячэнне навукова-тэхнічнага і медыцынскага комплексаў, аўтаматызаваныя бібліятэчна-інфармацыйныя сістэмы, бібліятэчнае абслугоўванне дзяцей і юнацтва, маркетынг бібліятэчнай справы, культурна-дасугавая дзейнасць бібліятэк).

На скарочаны тэрмін навучання (4 гады) прымаюцца выпускнікі 2009 года Магілёўскага бібліятэчнага тэхнікума і выпускнікі папярэдніх гадоў, якія працуюць па спецыяльнасці.

· Спецыяльнасць – музейная справа і ахова гісторыка-культурнай спадчыны (спецыялізацыя – музеязнаўства).