|
|
Факультэт інфармацыйна-дакументных камунікацый
Адрас: 220001, г. Мінск, вул. Рабкораўская, 17
каб. 320, 321, тэл. (017) 222 83 07
Дэкан – кандыдат педагагічных навук, дацэнт Яцэвіч Мікалай Аляксандравіч (vasniks@tut.by)
Факультэт інфармацыйна-дакументных камунікацый (ФІДК) з'яўляецца старэйшым факультэтам універсітэта. Яго гісторыя пачынаецца з 1944 г., калі ў Мінскім педагагічным інстытуце імя М.Горкага быў створаны бібліятэчны факультэт. З той пары на факультэце было падрыхтавана больш за 12 тысяч спецыялістаў у галіне бібліятэчнай і музейнай справы, якія працуюць у бібліятэчна-інфармацыйных установах Беларусі, Венгрыі, Польшчы, Расіі, Украіны, ЗША і іншых краін. Сярод выпускнікоў факультэта – Герой Савецкага Саюза А.Мазанік, Упаўнаважаны па справах рэлігій і нацыянальнасцяў Л.Гуляка, доктар гістарычных навук, прафесар А.Сарокін, пісьменнік А.Федарэнка, дырэктар Нацыянальнай бібліятэкі Беларусі (НББ) Р.Матульскі, заслужаныя дзеячы культуры Рэспублікі Беларусь Г.Алейнік, Л.Кірухіна, С.Юдо і іншыя.
За 64 гады плённай працы на факультэце створана шматузроўневая бесперапынная сістэма бібліятэчнай адукацыі: сярэдне-спецыяльная ўстанова – універсітэт – магістратура – аспірантура – дадатковая адукацыя (атрыманне другой спецыяльнасці, павышэнне кваліфікацыі, перападрыхтоўка). Для кожнага з узроўняў сумеснымі намаганнямі ФІДК, Магілёўскага бібліятэчнага тэхнікума, а таксама факультэта павышэння кваліфікацыі і перападрыхтоўкі кадраў Беларускага дзяржаўнага універсітэта культуры і мастацтваў (БДУКіМ) распрацавана адпаведная нарматыўная і навукова-метадычная дакументацыя: стандарты, скразныя вучэбныя планы, праграмы вывучаемых дысцыплін, вучэбныя дапаможнікі.
Зараз на факультэце навучаецца звыш 700 студэнтаў па 4 спецыяльнасцях:
“Бібліятэказнаўства і бібліяграфія”, кваліфікацыі: “Бібліятэкар-бібліëграф. Менеджэр”; “Бібліятэкар-бібліёграф. Спецыяліст па аўтаматызаваных бібліятэчна-інфармацыйных сістэмах (АБІС)”; “Бібліятэкар-бібліёграф. Перакладчык”; “Бібліятэкар-бібліёграф. Таваразнаўца”, "Бібліятэкар-бібліёграф. Спецыяліст па інфармацыі".
"Бібліятэказнаўства і бібліяграфія. Беларуская мова і літаратура”, кваліфікацыя: “Бібліятэкар-бібліëграф. Выкладчык беларускай мовы і літаратуры”.
“Лінгвістычнае забеспячэнне міжкультурнай камунікацыі (інфармацыйнае абслугоўванне)”, кваліфікацыя: "Спецыяліст па міжкультурнай камунікацыі. Рэферэнт-перакладчык".
“Музеязнаўства і ахова гісторыка-культурнай спадчыны”, кваліфікацыя “Музеязнаўца”.
У межах пералічаных спецыяльнасцей навучанне вядзецца па дванаццаці спецыялізацыях.
Вучэбны і навуковы працэс забяспечваюць 4 спецыяльныя і 2 агульнауніверсітэцкія кафедры, у штаце якіх працуюць звыш 70 выкладчыкаў. Большасць з іх маюць навуковыя ступені і званні.
Да працы на факультэце актыўна далучаюцца вядомыя спецыялісты ў галіне інфармацыйна-дакументных камунікацый: дырэктар НББ доктар педагагічных навук прафесар Р.Матульскі; намеснікі дырэктара НББ кандыдаты педагагічных навук Т.Кузьмініч, А.Даўгаполава; загадчык аддзела НББ, кандыдат педагагічных навук А.Прадзеіна; дырэктар інстытута мастацтвазнаўства, этнаграфіі і фальклору НАН Беларусі, доктар ахрітэктуры і доктар гістарычных навук А.Лакотка; вядучыя спецыялісты ў галіне аўтаматызацыі бібліятэчнай справы.
Ва універсітэце працуе Спецыялізаваны савет па абароне дысертацый на суісканне вучонай ступені кандыдата педагагічных навук па спецыяльнасці 05.25.03 – «Бібліятэказнаўства, бібліяграфазнаўства і кнігазнаўства».
Кафедра менеджменту інфармацыйна-дакументнай сферы
Адрас: 220001, г. Мінск, вул.Рабкораўская, 17
каб. 414 (заг. кафедры), 412 (кафедра), тэл. (017) 219 74 84
Загадчык кафедры – кандыдат педагагічных навук, дацэнт Зыгмантовіч Святлана Вікенцьеўна
Кафедра менеджменту інфармацыйна-дакументнай сферы была створана на базе кафедры бібліятэказнаўства, якая ўзнікла адначасова з нараджэннем бібліятэчнага факультэта ў кастрычніку 1944 г. пры Мінскім педагагічным інстытуце ім. М.Горкага і з'явілася заснавальніцай вышэйшай бібліятэчнай адукацыі ў Беларусі. На сучасны момант кафедра ажыццяўляе падрыхтоўку бібліятэчных спецыялістаў па наступных спецыялізацыях:
- “Маркетынг бібліятэчнай справы”, кваліфікацыя: “Бібліятэкар-бібліeграф. Менеджэр”.
-
“Бібліятэчнае абслугоўванне дзяцей і юнацтва”, кваліфікацыя: “Бібліятэкар-бібліeграф. Менеджэр”.
-
“Культурна-дасугавая дзейнасць бібліятэк”, кваліфікацыя: “Бібліятэкар-бібліeграф. Менеджэр”.
-
“Кнігазнаўства і менеджмент кніжнага гандлю”, кваліфікацыя: “Бібліятэкар-бібліеграф. Таваразнаўца”.
На кафедры працуюць дзевяць штатных выкладчыкаў. У іх ліку восем кандыдатаў навук.
Асноўныя курсы: “Бібліятэчна-інфармацыйны менеджмент”, “Бібліятэчна-інфармацыйны маркетынг”, “Інфармацыйны рынак”, “Абслугоўванне карыстальнікаў бібліятэк”, “Арганізацыя і тэхналогія бібліяграфічнай работы”.
За гісторыю свайго існавання кафедра здзейсніла 6 комплексных навуковых даследаванняў; апублікавала звыш 40 буйных навуковых прац-манаграфій, вучэбных дапаможнікаў, падручнікаў.
Па выніках навуковых даследаванняў, праведзеных кафедрай з 1996 па 2005 гады, былі падрыхтаваны 2 міжкафедральных зборнікі навуковых прац выкладчыкаў: “Бібліятэчная справа ў Рэспубліцы Беларусь: здабыткі і перспектывы”, “Фарміраванне і выкарыстанне інфармацыйных рэсурсаў бібліятэк Рэспублікі Беларусь і іх кадравага патэнцыяла”.
З 2006 года кафедра працуе над навуковай тэмай “Сацыяльна-педагагічныя аспекты дзейнасці бібліятэк Беларусі і іх кадравае забеспячэнне”.
Шмат увагі надаецца фарміраванню навыкаў навуковай работы студэнтаў: навуковай працай ахоплена больш за 130 студэнтаў дзённай і завочнай формы навучання. За 5 апошніх год на Рэспубліканскі конкурс навуковых работ студэнтаў прадстаўлена 50 работ, з якіх кожная трэцяя работа атрымала дыплом і катэгорыі, астатнія – дыпломы другой і трэцяй катэгорый.
Кафедра гісторыі і тэорыі інфармацыйна-дакументных камунікацый
Адрас: 220001, г.Мінск, вул. Рабкораўская, д.17
каб. 415 (заг. кафедры), 316 (кафедра), тэл. (017) 222 83 25
Загадчык кафедры – доктар педагагічных навук, прафесар Лявончыкаў Васіль Емельянавіч
Гісторыя кафедры пачынаецца з 1960 года. З моманту заснавання яе назва неаднаразова змянялася: кафедра бібліяграфіі, кафедра агульнай бібліяграфіі, кафедра бібліяграфіі і дакументазнаўства. Назву “Кафедра гісторыі і тэорыі інфармацыйна-дакументных камунікацый” яна атрымала ў 2003 г., пасля праведзеных на факультэце структурных зменаў.
Кафедра забяспечвае выкладанне агульнапрафесійных і спецыяльных дысцыплін для ўсіх спецыялізацый. Акрамя таго, яна вядзе падрыхтоўку спецыялістаў у галіне бібліятэчнай справы па наступных спецыялізацыях:
-
“Бібліятэчна-бібліяграфічнае краязнаўства”, кваліфікацыя: “Бібліятэкар-бібліeграф. Менеджэр”.
-
“Навукова-метадычная дзейнасць бібліятэк”, кваліфікацыя: “Бібліятэкар-бібліeграф. Менеджэр”.
Асноўня курсы: “Асновы навукова-даследчай работы”, “Бібліятэказнаўства (гісторыя, тэорыя)”, “Бібліяграфазнаўства (гісторыя, тэорыя)”, “Тэорыя інфармацыі і камунікацыі”, “Дакументалогія”, “Гісторыя кнігі”, “Гісторыя беларускай бібліяграфіі”, "Інфармацыйная культура асобы", "Бібліятэчна-бібліяграфічнае краязнаўства".
На кафедры працуюць 8 штатных выкладчыкаў і 6 сумяшчальнікаў, сярод іх доктар педагагічных навук, чатыры кандыдаты навук, два прафесара і сем дацэнтаў.
Выкладчыкі кафедры прымаюць актыўны ўдзел у распрацоўцы навуковых тэм. У апошняе дзесяцігоддзе (1996-2005 гг.) на кафедры распрацоўваліся такія тэмы, як: “Бібліяграфія ў інфармацыйным грамадстве” (1996-2000 гг.), “Інфармацыйна-бібліяграфічныя рэсурсы бібліятэк Рэспублікі Беларусь і іх кадравы патэнцыял” (2001-2005 гг). Усяго па выніках даследаванняў выйшла 74 публікацыі.
Навуковая кафедральная тэма на 2006-2010 гг. – “Бібліятэкі Рэспублікі Беларусь у сістэме сацыяльна-культурных камунікацый”.
На кафедры вядзецца падрыхтоўка навуковых кадраў. Пад кіраўніцтвам загадчыка кафедры В.Е.Лявончыкава падрыхтавана і абаронена 5 кандыдацкіх дысертацый.
На кафедры вядзецца падрыхтоўка чатырох аспірантаў, кіраўнікамі якіх з’яўляюцца В.Е.Лявончыкаў і В.А.Касап.
Кафедра інфармацыйных рэсурсаў
Адрас: 220001, г.Мінск, вул. Рабкораўская, 17
каб. 312, 409, 410 (заг. кафедры), 419.
 Загадчык кафедры – доктар тэхнічных навук, прафесар Нешытой Васіль Васільевіч
Кафедра створана ў 2003 г. на базе кафедры “Аўтаматызаваных бібліятэчна-інфармацыйных сістэм” (АБІС) і вядзе падрыхтоўку спецыялістаў бібліятэчнай справы па спецыялізацыях:
“Аўтаматызаваныя бібліятэчна-інфармацыйныя сістэмы”, кваліфікацыя: “Бібліятэкар-бібліёграф. Спецыяліст па аўтаматызаваных бібліятэчна-інфармацыйных сістэмах (АБІС)”.
У рамках спецыялізацыі “АБІС” таксама існуе спецгрупа для Нацыянальнай бібліятэкі Беларусі. Выпускнікі спецыялізацыі “АБІС” прызначаны для арганізацыйна-тэхналагічнай дзейнасці па праектаванні, стварэнні, эксплуатацыі і падтрымцы аўтаматызаваных бібліятэчных сістэм. Аб'ектам іх прафесійнай дзейнасці з'яўляюцца бібліятэкі розных тыпаў і відаў, у якіх ужо існуюць ці толькі ўкараняюцца аўтаматызаваныя сістэмы. Выпускнікі спецыялізацыі “Інфармацыйнае забеспячэнне навукова-тэхнічнага і медыцынскага комплексу” павінны ажыццяўляць арганізацыйна-тэхналагічную дзейнасць па фарміраванні і выкарыстанні інфармацыйных прадуктаў і паслуг у навукова-тэхнічнай сферы і медыцыне. Яны прызначаны для работы ў спецыяльных бібліятэках: навукова-тэхнічных, медыцынскіх і адпаведных службах навуковай інфармацыі.
На кафедры працуюць дзевяць выкладчыкаў, два унутраных сумяшчальніка. У іх ліку доктар навук і шэсць кандыдатаў навук.
Асноўныя курсы: “Аўтаматызаваныя бібліятэчна-інфармацыйныя сістэмы і сеткі”, “Тэхнічныя сродкі бібліятэчнай работы”, “Матэматычныя метады бібліятэчнай работы”, “Бібліятэчныя фонды”, “Каталагізацыя дакументаў”, “Інфармацыйнае забеспячэнне галіновых комплексаў (навукова-тэхнічнага і медыцынскага, сацыяльна-гуманітарнага і мастацка-эстэтычнага)”.
Асноўнымі кірункамі навукова-даследчай работы выкладчыкаў кафедры з’яўляецца вывучэнне праблем фарміравання і выкарыстання інфармацыйных рэсурсаў бібліятэк (традыцыйных і электронных). За гады працы па дадзенай тэматыцы выкладчыкамі кафедры было апублікавана шэраг вучэбных дапаможнікаў і манаграфій.
Выкладчыкі кафедры прымаюць актыўны ўдзел у навуковых канферэнцыях, не толькі універсітэцкіх і рэспубліканскіх, але і міжнародных. М.А.Яцэвіч неаднаразова выступаў на міжнародных канферэнцыях, якія праходзілі ў Маскве, Санкт-Пецярбурзе, Крымскіх канферэнцыях “Библиотеки и ассоциации в меняющемся мире. Новые формы сотрудничества» і інш.
Кафедра гісторыі Беларусі і музеязнаўства
Адрас: 220001, г. Мінск, вул. Рабкораўская, 17
каб. 516 (заг. кафедры), 517
 Загадчык кафедры – доктар культуралогіі, прафесар Смолік Аляксандр Іванавіч
Кафедра гісторыі Беларусі і музеязнаўства (раней кафедра гісторыі і музеязнаўства) створана ў 1994 годзе. Яна вядзе падрыхтоўку кадраў па спецыяльнасці «Музейная справа і ахова гісторыка-культурнай спадчыны», кваліфікацыя: “Музеязнаўца”.
Выпускнікі кафедры працуюць у якасці дырэктараў, інспектараў у галіне аховы гісторыка-культурнай спадчыны Беларусі, навуковых супрацоўнікаў і захавальнікаў музеяў, займаюць кіруючыя пасады ў галіне культуры.
Асноўныя курсы: “Гісторыя Беларусі”, “Сусветная гісторыя”, “Старажытныя музеі”, “Музеі свету”, “Музеі Беларусі”, “Музейная архітэктура”, “Музейная педагогіка”, “Асновы кансервацыі і рэстаўрацыі помнікаў”, “Археалогія”, “Геральдыка”, “Нумізматыка”, “Сфрагістыка”, “Фалерыстыка”, “Праектаванне выстаў і музейных экспазіцый” і іншыя.
Дысцыпліны спецыялізацыі: “Гістарычная сімволіка”, “Гісторыя канфесій у Беларусі”, “Генеалогія”, “Сярэдневяковая кераміка”, “Гісторыя філатэліі”, “Жыллё ў звычаях і абрадах беларусаў” і інш.
На кафедры выкладаюцца лацінская і польская мовы.
Навуковыя інтарэсы выкладчыкаў кафедры тычацца пытанняў гісторыі і культуры Беларусі. З 1999 па 2009 гады выкладчыкі апублікавалі 6 манаграфій, 2 вучэбных дапаможніка, 354 навуковых і навукова-папулярных артыкулы, шэраг вучэбных праграм.
| |
