Поиск по сайту
Авторизация
Логин:
Пароль:
Регистрация
Забыли свой пароль?

Факультэт музычнага мастацтва

220001 г. Мінск, вул. Маскоўская 18а, пакой 303
т. 8(017) 222-82-13

Дэкан - прафесар Бартноўскі Вячаслаў Віктаравіч

Гісторыя факультэта музычнага мастацтва пачынаецца са стварэння Мінскага інстытута культуры і факультэта культасветработы у 1975 годзе. Менавіта ў яго склад ўваходзілі тады мастацкія спецыялізацыі. 1986 год для мастацкіх спецыялізацый аказаўся вызначальным. Адбылося іх вылучэнне ў самастойны факультэт, які стаў факультэтам самадзейнага музычнага і харэаграфічнага мастацтва. Потым, у 1993 г., яго перайменавалі у факультэт мастацкай творчасці, а з 2004 года ён мае назву факультэт музычнага мастацтва.

Сёння на ФММ здзяйсняецца падрыхтоўка спецыялістаў па 7 спецыяльнасцях і 16 спецыялізацыях. У структуру факультэта ўваходзяць кафедры: «Духавой музыкі», «Мастацтва эстрады», «Народна-інструментальнай творчасці», «Харавога і вакальнага мастацтва», «Народна-песеннай творчасці», «Тэорыі музыкі і музычнай адукацыі». Яны рыхтуюць спецыялістаў вышэйшай кваліфікацыі па пяці спецыяльнасцях: народная творчасць, мастацтва эстрады, спевы, дырыжыраванне (харавое), інструментальнае выканальніцтва.

На факультэце навучаюцца больш за 500 студэнтаў. Адначасова з фундаментальнай агульнакультурнай і агульнапрафесійнай падрыхтоўкай пад кіраўніцтвам вядомых у рэспубліцы педагогаў-практыкаў студэнты ўдасканальваюць свой талент і спецыялізуюцца як музыкі, вакалісты, эстрадныя выканаўцы.

Сёння кожная кафедра – гэта свайго роду творчая майстэрня па падрыхтоўцы высокакваліфікаваных спецыялістаў у сферы мастацтва, якія адрозніваюцца высокім узроўнем не толькі адмысловай тэарэтычнай падрыхтоўкі, але і выканальніцкім майстэрствам.

Падчас навучання студэнты ўдзельнічаюць ў мастацкіх калектывах, а таксама ў лепшых аматарскіх і прафесійных харавых, музычных, харэаграфічных калектывах нашай краіны. На факультэце існуе шмат мастацкіх калектываў, якія з'яўляюцца лаўрэатамі міжнародных конкурсаў і фестываляў. Іх добра ведаюць не толькі ў нашай краіне, але і за яе межамі.

КАФЕДРА БЕЛАРУСКАЙ НАРОДНА-ПЕСЕННАЙ ТВОРЧАСЦІ
220001 г. Мінск, вул. Рабкораўская, 17, пакой 828

Загадчык кафедры Дробыш Станіслаў Іосіфавіч 

Загадчык кафедры – заслужаны работнік культуры Рэспублікі Беларусь, прафесар Станіслаў Іосіфавіч Дробыш.

      Кафедра створана ў 1981 годзе. Яна з’яўляецца вядучай у падрыхтоўцы спецыялістаў у галіне традыцыйнай і сучаснай беларускай культуры па спецыялізацыі “харавая музыка народная” і “спевы народныя”.

       Кафедра рыхтуе спецыялістаў па дзвюх спецыялізацыях: “харавая музыка народная” і “спевы народныя”.

       Выпускнікам спецыялізацыі “харавая музыка народная” прысвайваецца кваліфікацыя “Кіраўнік народнага харавога калектыва, выкладчык”.

      Выпускнікам спецыялізацыі “спевы народныя” прысвайваецца кваліфікацыя “Спявак, артыст, выкладчык спеваў”. Выпускнікі кафедры маюць магчымасць працягваць сваю адукацыю ў магістратуры і аспірантуры.

      На кафедры працуюць высокакваліфікавыныя выкладчыкі: заслужаныя дзеячы культуры і мастацтваў Рэспублікі Беларусь, прафесары, дацэнты, старшыя выкладчыкі.

       Свае творчыя здольнасці студэнты рэалізуюць у канцэртных калектывах кафедры, якія працуюць у розных стылёвых напрамках:

       “Валачобнікі”- традыцыйны народнапесенны, харэаграфічны і музычны фальклор;   

       “Грамніцы” –фольк-фьюшн;

       “Беларуская песня”- сучасны фальклор і аўтарскія песні. 

       Кафедра ганарыцца сваімі выпускнікамі, якія паспяхова працуюць у галіне беларускай нацыянальнай культуры. Сярод іх добра вядомыя ў рэспубліце кіраўнікі і артысты народна-харавых і фальклорных калектываў, лаўрэаты рэспубліканскіх і міжнародных конкурсаў, выканаўцаў беларускай народнай і сучаснай песні. Гэта заслужаныя артысты Рэспублікі Беларусь: Валянціна Пархоменка, Ганна Радзько, Ніна Кавалёва, Іна Афанасьева; артысты Нацыянальнага Акадэмічнага народнага хору імя Г.Цітовіча; салісты ансамбля “Песняры” – В. Дайнека, В.Місевіч; саліст ансамбля “Сябры” – М.Сацура; салісты ансамляў “Бяседа” і “Свята”.

        Гонарам краіны сталі калектывы, якімі кіруць выпускнікі кафедры: Валянціна Гладкая (ансамбль “Неруш”), Ала Навіцкая (Нацыянальны вакальна-харэаграфічны ансамбль “Зорачка”), Іван Кірчук (этна-трыо “Троіца”).

         Лепшыя выпускнікі застаюцца працаваць на кафедры ў якасці выкладчыкаў.

КАФЕДРА ХАРАВОГА І ВАКАЛЬНАГА МАСТАЦТВА
220001 г. Мінск, вул. Рабкораўская, 17, пакой 807

Загадчык кафедры Пякуцька Альбіна Васільеўна 

Загадчык кафедры – заслужаны дзеяч адукацыі Рэспублікі Беларусь, прафесар Альбіна Васільеўна Пякуцька.

Кафедра харавога і вакальнага мастацтва – адна са старэйшых кафедраў Беларускага універсітэта культуры і мастацтваў. Яна існуе з дня адкрыцця Мінскага інстытута культуры ў 1975 годзе. Кафедра ажыццяўляе падрыхтоўку кваліфікаваных кіраўнікоў харавых калектываў па спецыяльнасцях: «народная творчасць», (спецыялізацыя – «Харавая музыка (акадэмічная)»), «Дырыжыраванне», (напрамак “Дырыжыраванне (акадэмічны хор)»). Будучыя спецыялісты атрымліваюць грунтоўную падрыхтоўку ў комплексе музычна-тэарэтычных прадметаў, вывучаюць методыку выкладання спецыяльных дысцыплін, праходзяць мастацка-творчую і педагагічную практыку. Выпускнікам спецыялізацыі «Харавая музыка (акадэмічная)» прысвойваецца кваліфікацыя кіраўніка хору, выкладчыка; напрамка “Дырыжыраванне (акадэмічны хор)» - дырыжора хору, выкладчыка, артыста хору.

Прафесійнаму майстэрству студэнтаў навучаюць заслужаныя дзеячы мастацтва, прафесары, дацэнты, лаўрэаты міжнародных фестываляў, заслужаныя работнікі культуры і адукацыі.

Славу універсітэту ствараюць творчыя калектывы:

·        канцэртны хор «Мара» (мастацкі кіраўнік Яўген Рэутовіч і Таццяна Гажэўская),

·        камерны хор «Дабравест» (мастацкі кіраўнік Альбіна Пякуцька),

·        мужчынскі хор «Віват» (мастацкі кіраўнік Альбіна Пякуцька),

·      жаночы хор “Крыніцы” (мастацкі кіраўнік Ала Свірыдовіч),

·      вакальны ансамбль «Чараўніцы» (мастацкі кіраўнік Яўген Рэутовіч).

Кафедра ганарыцца выпускнікамі, вядомымі за межамі краіны. Праслаўляюць сваю Аlma-mater лаўрэат міжнароднага фестывалю царкоўнай музыкі Ларыса Густава, дыпламант народнага мужчынскага хору Палаца культуры «Аўтазаводзец» Аляксандр Літоўка, кіраўнік народнага калектыву «Радзімічы» Уладзімір Ліпскі, лаўрэат міжнароднага конкурсу, саліст канадскай оперы (г. Таронта) Уладзімір Емельянаў і іншыя.

КАФЕДРА ДУХАВОЙ МУЗЫКІ
220001 г. Мінск, вул. Маскоўская 18а, пакой 510
т. 8(017)222-80-61

  • Загадчык кафедры Жарко Мікалай Сцяпанавіч   

  • Загадчык кафедры – Мікалай Сцяпанавіч Жарко.

    Кафедра створана ў 1979 годзе. Рыхтуе спецыялістаў у галіне духавога мастацтва па спецыяльнасцях: «Народная творчасць», (спецыялізацыя – «Інструментальная музыка (духавая)»; “Духавыя інструменты”, спецыялізацыя “духавыя інструменты (народныя)”.

    Выпускнікам спецыялізацыі “Інструментальная музыка духавая” прысвойваецца кваліфікацыя “Кіраўнік духавога аркестра. Выкладчык”. На спецыялізацыі “Духавыя інструменты (народныя)” прысвойваецца кваліфікацыя “Артыст аркестра, ансамблевае выканальніцтва, саліст-выканаўца, выкладчык”.

    На кафедры працуюць вядучыя майстры музычнага мастацтва: заслужаны артыст Рэспублікі Беларусь, дацэнт А.У.Фёдараў, заслужаны артыст Рэспублікі Беларусь А.Я.Крамко, прафесар В.В.Бартноўскі, кандыдат мастацтвазнаўства, прафесар А.Л.Карацееў, дацэнт І.А.Мангушаў, дацэнт В.А.Новікаў, дацэнт В.М.Кульпін. Выкладчыкі: ст.выкладчык С.І.Сітнікава, М.М.Дрожжа, А.А.Кудзін, А.О.Караткевіч, Я.С.Шыманец, М.С.Снітко.

    На кафедры створаны 8 мастацкіх калектываў:

    -         лаўрэат конкурсу аркестраў на Міжнародным фестывалі духавой музыкі “Сурмы” (Україна) – Маладзёжны канцэртны аркестр духавых і ўдарных інструментаў “Светач”, мастацкі кіраўнік і галоўны дырыжор Мікалай Сцяпанавіч Жарко.

    -         Лаўрэат Міжнароднага фестывалю народнай музыкі “Звіняць цымбалы і гармонік” (Паставы), дыпламант Рэспубліканскага фестывалю “Беларускія фанфары” (Баранавічы) – Капэла беларускіх народных інструментаў “Гуды”, мастацкі кіраўнік І.Мангушаў

    -         “Дудачка”, мастацкі кіраўнік І.Мангушаў

    -         Ансамбль трамбаністаў “Акорд”, мастацкі кіраўнік М.М.Дрожжа

    -         Ансамбль флейтыстаў “Чароўная флейта”, мастацкі кіраўнік С.І.Сітнікава

    -         Ансамбль кларнетыстаў, мастацкі кіраўнік Я.С.Шыманец

    -         Ансамбль ударных інструментаў, мастацкі кіраўнік А.А.Караткевіч

    -         Лаўрэат і дыпламант першай ступені фестывалю сучаснай музыкі “Благавест” 2006 г. Ансамбль трубачоў “Акцэнт”, мастацкі кіраўнік В.А.Новікаў

    КАФЕДРА МАСТАЦТВА ЭСТРАДЫ
    220001 г. Мінск, вул. Маскоўская 18а, пакой 501
    т. 8(017)222-76-07

    Загадчык кафедры Смірнова Ірына Аляксандраўна 

  • Загадчык кафедры – кандыдат мастацтвазнаўства, дацэнт Ірына Аляксандраўна Смірнова.

    Кафедра створана ў 1982 годзе. Яна рыхтуе спецыялістаў у галіне эстраднага мастацтва па чатырох напрамках: «Інструментальная музыка», «Спевы», «Камп’ютэрная музыка», «Мастацтва эстрады /прадзюсерства»). Выпускнікам напрамка «Інструментальная музыка» прысвойваецца кваліфікацыя артыста, кіраўніка эстраднага аркестра, ансамбля, выкладчыка; «Спевы» - спявака, кіраўніка вакальнага ансамбля, выкладчыка; «Камп’ютэрная музыка» – аранжыроўшчыка камп’ютэрнай музыкі, выкладчыка; «Прадзюсерства» – прадзюсера, выкладчыка.

    На кафедры працуюць вядучыя майстры эстраднага мастацтва: лаўрэат міжнародных конкурсаў і фестываляў дацэнт У.П.Угольнік (гітара); лаўрэат джазавых фестываляў М.А.Федарэнка (труба); лаўрэат міжнародных конкурсаў артыстаў эстрады У.М.Фельгін (саксафон); лаўрэат міжнародных конкурсаў артыстаў эстрады А.Я.Старажук (ударныя інструменты), лаўрэат міжнародных і рэспубліканскіх конкурсаў, салістка Белдзяржфілармоніі І.А.Дарафеева (вакал); лаўрэат міжнародных фестываляў, салістка вакальнага ансамбля “Камерата” Белдзяржфілармоніі Т.М.Дробышава, кампазітары А.М.Елісеенкаў, У.А.Сарокін,

    Выпускнікі кафедры працуюць у вядомых беларускіх калектывах: Прэзідэнцкім аркестры, Нацыянальным канцэртным аркестры Беларусі, ва Узорна-паказальным аркестры Узброеных Сіл Рэспублікі Беларусь, аркестры духавых інструментаў “Няміга”, аркестры Дзяржцырка Рэспублікі Беларусь, аркестры Беларускага дзяржаўнага тэатра, Дзяржаўным ансамблі “Песняры”, гуртах “Палац”, “Крыві”, “Ляпіс Трубецкой”, “J-Морс” “Троіца”, “Беларускія песняры”, “Крама” і др. Сярод выпускнікоў кафедры – лаўрэаты міжнародных і рэспубліканскіх конкурсаў Ірына Дарафеева, Іна Афанасьева, Ларыса Грыбалёва, Наталля Тамела, Тарыел Майсурадзе, Руслан Мусвідас, Вольга Змуршчык, Дар’я Урызчанка, Вікторыя Алешка, Яўгенія Лятун, Уладзімір Радзівілаў, Веста Каменева, і інш.

    На кафедры створаны наступныя мастацкія калектывы:

    ·        Маладзёжны эстрадна-сімфанічны аркестр пад кіраўніцтвам дацэнта В.М.Валатковіча;

    ·        струнны квартэт «Арко» пад кіраўніцтвам ст.выкладчыка Т.У.Дзяйко;

    ·        вакальны ансамбль «Універсум» пад кіраўніцтвам выкл. Т.У.Дробышавай;

    ·        джазавы гурт «Зялёная плынь» пад кіраўніцтвам У.В.Бялова;

    ·        ансамбль ударных інструментаў пад кіраўніцтвам А.Я.Старажука;

    ·        квінтэт саксафаністаў «Хорус» пад кіраўніцтвам У.М.Фельгіна;

    ·        інструментальны ансамбль «Блікі» пад кіраўніцтвам У.П.Угольніка.

  • КАФЕДРА НАРОДНА-ІНСТРУМЕНТАЛЬНАЙ ТВОРЧАСЦІ
    220001 г. Мінск, вул. Маскоўская 18а, пакой 405
    т. 8(017)222-82-69

  •  

    Загадчык кафедры – кандыдат мастацтвазнаўства, дацэнт Вольга Уладзіміраўна Мазанік.

    Кафедра створана ў 1975 годзе. Яна рыхтуе спецыялістаў – кіраўнікоў аркестра (ансамбля), выкладчыкаў спецыяльных дысцыплін (баян, акардэон, цымбалы, домра балалайка і іншыя) у сярэдніх спецыяльных навучальных установах культуры і мастацтва, музычных школах. На кафедры працуюць прафесары, дацэнты, вядомыя навукоўцы.

    Асноўны напрамак дзейнасці – калектыўныя формы музіцыравання.

    На кафедры існуюць наступныя калектывы:

    ·        Ансамбль акардэаністаў «Туці» (мастацкі кіраўнік Лідзія Сухаварава)

    ·        Фальклорны гурт «Баламуты» (мастацкі кіраўнік Канстанцін Трамбіцкі)

    ·        Ансамбль цымбалістаў (мастацкі кіраўнік Алена Шульгоўская)

    ·        Ансамбль народных інструментаў (мастацкі кіраўнік Лілія Валасюк)

    ·        Аркестр рускіх народных інструментаў (мастацкі кіраўнік Сяргей Авадок)

    ·        Беларускі народны аркестр (мастацкі кіраўнік Віктар Валатковіч, дырыжор Вікторыя Старыкава)

    Сярод вядомых выпускнікоў кафедры – кандыдат педагагічных навук, ацэнт, загадчык кафедры псіхалогіі і педагогікі Ірына Малахава; саліст Нацыянальнага аркестра імя І. Жыновіча, Заслужаны артыст Рэспублікі Беларусь Аляксандр Крамко, удзельнікі сусветна вядомага гурта “Крупіцкія музыкі” Зоя Філонава, Святлана Копач, Яўген Круглік, лаўрэат Міжнароднага конкурсу Д.Каранчук.

  • КАФЕДРА ТЭОРЫІ МУЗЫКІ І МУЗЫЧНАЙ АДУКАЦЫІ
    220001 г. Мінск, вул. Маскоўская 18а, пакой 522
    т. 8(017)222-76-64

     

    Загадчык кафедры – прафесар, доктар мастацтвазнаўства Наталля Паўлаўна Яканюк.

    Кафедра тэорыі музыкі і музычнай адукацыі існавала спачатку ў складзе кафедры тэорыі музыкі і фартэпіяна, а з 1983 года выдзелілася ў асобную кафедру, пад кіраўніцтвам прафесара, доктара мастацтвазнаўства Аляксандра Іванавіча Смагіна. З 2003 года называецца кафедрай тэорыі музыкі і музычнай адукацыі.

    На кафедры працуюць высокакваліфікаваныя спецыялісты: прафесар, доктар мастацтвазнаўства Яканюк Н.П.; дацэнты, кандыдаты мастацтвазнаўства Каленька Р.Р., Ухава І.Ул., Хадзінская Н.М., Дожына Н.І. З’яўляючыся тэарэтычнай кафедрай факультэта музычнага мастацтва, кафедра тэорыі музыкі і музычнай адукацыі забяспечвае выкананне ўсіх музычна-тэарэтычных курсаў. Гэта такія важныя і неабходныя для выхавання творчай асобы дысцыпліны як сальфеджыо, гармонія, поліфанія, аналіз музычных форм, методыка выкладання музычных дысцыплін, прафесійная педагогіка, інфармацыйная культура музыканта.

    Выкладчыкі кафедры распрацоўваюць навуковыя тэмы, актуальныя для музычнай культуры рэспублікі, кіруюць аспірантамі, магістрантамі, пад іх кіраўніцтвам рыхтуюцца кандыдацкія і магістарскія дысертацыі, дыпломныя работы.

    •