Адкрыццё выстаў “Святочны букет для жанчын” і “Краявіды маёй душы”

22 лютага 2021 года ў мастацкай галерэі “Універсітэт культуры” адбылося адкрыццё персанальных выстаў мастачак Курыловіч Людмілы – “Святочны букет для жанчын” і Гадзіравай Ганны – “Краявіды маёй душы”.

З прывітальным словам да ўдзельнікаў мерапрыемства звярнуліся дырэктар галерэі Татарэвіч Марына Аляксандраўна, старшыня Беларускага фонду культуры Стружэцкі Тадэвуш Іванавіч і самі мастачкі: Ганна Гардзілава і Курыловіч Людміла.

Выступаючыя адзначылі цеплыню вобразаў і святло тэм, прафесіяналізм і высокія творчыя дасягненні мастачак.

Асабліва цікава, што і Гадзірава Ганна, і Курыловіч Людміла родам с Пастаўшчыны. У іх творах прысутнічаюць пейзажы родных месцаў і партрэты сваякоў. Сувязь с дзяцінствам і любоў да роднай зямлі ляжаць у аснове гэтых праектаў.

У адкрыцці прынялі ўдзел студэнткі 3 курса Беларускай дзяржаўнай акадэміі музыкі, лаўрэаты рэспубліканскіх і міжнародных конкурсаў: Паліна Грузд і Аляксандра Барысюк. На цымбалах прагучалі творы беларускіх і замежных кампазітараў.

Выставачныя праекты будуць працаваць па 9 сакавіка 2021 года.