“Беларускі кошык”

30 кастрычніка 2020 года ў мастацкай галерэі “Універсітэт культуры” адбыўся майстар-клас Алены Гурэцкай па лозапляценні “Беларускі кошык”. На занятку аўтар паказала, як робіцца кошык, з якіх прыродных матэрыялаў, якія тэхнікі выкарыстоўваюцца. Алена Васільеўна Гурэцкая – народны майстар Беларусі, член Беларускага саюза майстроў народнай творчасці, актыўны ўдзельнік міжнародных, рэспубліканскіх, замежных выстаў, прызёр і лаўрэат рэспубліканскіх выстаў-конкурсаў.

Майстар-клас наведалі вучні дзіцячай мастацкай школы № 1 імя В.К.Цвіркі, і кожны з іх меў магчымасць паспрабаваць сплесці невялікі традыцыйны беларускі кошык.

Мерапрыемства адбылося ў рамках юбілейнага праекта “Прыгажосць і суладдзе”, які экспануецца ў галерэі і прымеркаваны да 45-годдзя Беларускага дзяржаўнага ўніверсітэта культуры і мастацтваў.