“Традыцыі і сучасныя плыні ДПМ”

29 кастрычніка 2020 года ў мастацкай галерэі “Універсітэт культуры” прайшлі аглядная лекцыя-экскурс Ліньковай Наталлі і круглы стол “Традыцыі і сучасныя плыні ДПМ”.

Падчас лекцыі аўтар пазнаёміла слухачоў з шляхам развіцця традыцыйнага дэкаратыўна-прыкладнога мастацтва і этнамастацтва ў рамках навучальнага працэса на кафедры народнага дэкаратыўна-прыкладнога мастацтва; акрэсліла праблемы ў эстэтычным выхаванні моладзі на сучасным этапе; пазнаёміла з сучасным станам нацыянальнай школы дэкаратыўна-прыкладнога мастацтва Беларусі.

У межах круглага стала з тэмай “Падрыхтоўка будучых спецыялістаў ДПМ ва ўмовах адукацыйнага працэсу” выступіў доктар мастацтвазнаўства, прафесар кафедры народнага дэкаратыўна-прыкладнога мастацтва Шаура Р.Ф. У абмеркаванні гэтай праблемы прынялі ўдзел выпускнікі і выкладчыкі кафедры народнага дэкаратыўна-прыкладнога мастацтва Беларускага дзяржаўнага ўніверсітэта культуры і мастацтваў.

Лекцыя і круглы стол адбыліся ў рамках юбілейнага арт-праекта “Прыгажосць і суладдзе”.