“Трансфармацыя народнай аграрнай абраднасці ў саломапляценні Беларусі. Жніўныя ўпрыгожанні.”

27 кастрычніка 2020 года ў мастацкай галерэі “Універсітэт культуры” (Палац Рэспублікі) адбыліся лекцыя-прэзентацыя і дэманстрацыйны майстар-клас Шаціло Алены Віктараўны “Трансфармацыя народнай аграрнай абраднасці ў саломапляценні Беларусі. Жніўныя ўпрыгожанні.”

Алена Віктараўна пазнаёміла гасцей з прыкладамі разнастайных тэхнік і прыёмаў саломапляцення, якія здаўна выкарыстоўваліся на тэрыторыі Беларусі пры стварэнні жніўных галаўных убораў і іншых святочна-абрадных вырабаў. Аўтар паведаміла пра гісторыю і асаблівасці аграрнай абраднасці.

Алена Віктараўна Шаціло – старшы выкладчык кафедры народнага дэкаратыўна-прыкладнога мастацтва, стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі 1999 года.

Майстар-клас адбыўся ў рамках юбілейнага арт-праекта “Прыгажосць і суладдзе”.