«Музыкі граюць, граюць...»

20 кастрычніка 2020 г. ў мастацкай галерэі «Універсітэт культуры» (Палац Рэспублікі) ў рамках юбілейнага арт-праекта «Прыгажосць і суладдзе» адбыўся майстар-клас па стварэнню мастацкага вобраза з гліны метадам ручной лепкі «Музыкі граюць, граюць...», які правяла дацэнт кафедры народнага дэкаратыўна-прыкладнога мастацтва Тамара Васюк.

Госці змаглі пазнаёміцца з усімі этапамі стварэння вобразаў музыкаў у глінянай дробнай пластыцы. І нават паспрабавалі самі зрабіць вырабы з гліны.

Падчас майстар-класа Тамара Іванаўна распавяла пра гісторыю беларускай керамікі, пра асобных тварцоў, якія паўплывалі на адраджэнне гэтага віду мастацтва, пра тэхнічныя працэсы, сутнасць мастацкіх вобразаў і натхненне.