Міжнародная навукова-практычная канферэнцыя «Культурная спадчына рода Агінскіх і яе значэнне для сучаснага развіцця грамадства»

Міністэрства культуры Рэспублікі Беларусь
Установа адукацыі «Беларускі дзяржаўны ўніверсітэт культуры і мастацтваў»
Установа адукацыі «Маладзечанскі дзяржаўны музычны каледж імя. М.К. Агінскага»
Маладзечанскі Мясцовы дабрачынны фонд «Спадчына Міхала Клеафаса Агінскага»

Паважаныя калегі!

21-22 кастрычніка 2015 года адбудзецца Міжнародная навукова-практычная канферэнцыя «Культурная спадчына рода Агінскіх і яе значэнне для сучаснага развіцця грамадства», прысвечаная 250-годдзю з дня нараджэння выдатнага кампазітара, грамадскага і дзяржаўнага дзеяча Міхала Клеафаса Агінскага і з нагоды аб’яўлення ЮНЭСКА 2015 года Годам М.К. Агінскага.

Праблемнае поле канферэнцыі:

• Грамадска-палітычная, навукова-творчая дзейнасць рода Агінскіх;
• Мастацка-творчая дзейнасць М.К. Агінскага;
• Матэрыяльная і духоўная спадчына рода Агінскіх у Беларусі, Літве, Польшы, Расіі і іншых краінах;
• Развіццё міжкультурнага дыялога праз прызму рэпрэзентацыі гісторыка-культурнай спадчыны рода Агінскіх;
• Развіццё творчай асобы ў кардынатах эпохі XVIII-XIX стст.;
• Светапоглядная парадыгма М.К. Агінскага;
• Грамадзянскія ініцыятывы па шанаванню памяці М.К. Агінскага;
• Выкарыстанне спадчыны княжскага рода Агінскіх у ідэйна-выхаваўчай дзейнасці.

Да ўдзелу ў канферэнцыі запрашаюцца выкладчыкі, навуковыя супрацоўнікі, дактаранты, аспіранты, магістранты, прадстаўнікі грамадскіх арганізацый ў сферы культуры.

Рабочыя мовы канферэнцыі – беларуская, руская.

Патрабаванні да афармлення матэрыялаў

Аб’ем – 5-7 старонак. Палі – 2 см. з кожнага боку, шрыфт – Times New Roman, кегль 14, міжрадковы інтэрвал – 1,5, спасылкі на літаратуру ў квадратных дужках. Пры наяўнасці спасылак спіс літаратуры абавязковы (у алфавітным парадку). Афармленне(абавязкова па ўзору): 1-ы радок – у правым верхнім вугле тлустым курсівам: ініцыялы аўтара, прозвішча, 2-і радок – у правым верхнім вугле тлустым курсівам: назва арганізацыі, 3-і радок – у правым верхнім вугле тлустфым курсівам: горад, 4-і радок – пасля адступання выраўноўванне па цэнтры тлустым шрыфтам прапіснымі літарамі: назва артыкула, 5-і радок – пасля адступання выраўноўванне па цэнтры звычайным шрыфтам прапіснымі літарамі анатацыя на англійскай мове (3-4 сказы) (гл. Дадатак 1).

Асобным дакументам высылаецца заяўка на ўдзел (гл. Дадатак 2).

Артыкул і заяўку неабходна адправіць да 6 красавіка па электроннай пошце sapotko.pavel@mail.ru

Пацвярджэнне атрымання матэрыялаў для ўдзелу ў канферэнцыі будзе накіравана на працягу 3-х дзён з даты іх атрымання па электроннай пошце. Калі на працягу 3-х дзён адказ не атрыманы, неабходна накіраваць файлы заяўкі і тэкст артыкула паўторна.

Да пачатку работы канферэнцыі плануецца выдаць зборнік матэрыялаў.

Удзельнікі канферэнцыі будуць мець магчымасць наведаць мясціны М.К. Агінскага ў Маладзечанскім і Смаргонскім раёнах, пазнаёміцца з гісторыка-культурнай спадчынай княжскага рода, а таксама прыняць удзел у літаратурна-музычным вечары.

Праезд да месца правядзення канферэнцыі і харчаванне – за кошт камандзіруемай арганізацыі, пражыванне, экскурсіі, канцэртная праграма – за кошт арганізатараў.

Кантактныя тэлефоны:

+375 29 707-11-30 Сухоцкая Таісія Фёдараўна, дацэнт кафедры культуралогіі БДУКМ, кандыдат культуралогіі, дацэнт,

+375 29 853-75-98 Сапоцька Павел Міхайлавіч, выкладчык кафедры міжкультурных камунікацый, аспірант кафедры культуралогіі, магістр культуралогіі, адказны сакратар Маладзечанскага Мясцовага дабрачыннага фонда «Спадчына Міхала Клеафаса Агінскага».