Пропустить контент

Пайшла з жыцця Ядвіга Дамінікаўна Грыгаровіч

Posted in Новости

Пайшла з жыцця Ядвіга Дамінікаўна Грыгаровіч – выдатны беларускі вучоны ў галіне педагогікі і культуралогіі, доктар педагагічных навук, прафесар, былы рэктар Беларускага дзяржаўнага ўніверсітэта культуры і мастацтваў, член-карэспандэнт Беларускай акадэміі адукацыі, старшыня Экспертнага савета ВАК Рэспублікі Беларусь, заслужаны работнік адукацыі Рэспублікі Беларусь.

Шматгадовая педагагічная і асветніцкая дзейнасць, значны асабісты ўнёсак у айчынную культуру паставілі Ядвігу Дамінікаўну ў адзін шэраг з самымі адметнымі дзеячамі культуры і адукацыі Беларусі.

Мы, мабыць, лепш за ўсё ведаем яе як рэктара нашага ўніверсітэта – адказнага, граматнага і разважлівага кіроўцу, які заўсёды працаваў з душой дзеля ўсёй Alma Mater, яе студэнтаў і супрацоўнікаў. Падчас працы на рэктарскай пасадзе Ядвіга Дамінікаўна ініцыявала падрыхтоўку студэнтаў па спецыяльнасцях, якія спрыяюць фарміраванню творчага, эстэтычнага светапогляду, адстойвала ідэю актыўнага ўздзеяння мастацтва на чалавека. Пад яе кіраўніцтвам адбылася доўгачаканая рэарганізацыя нашай установы адукацыі ва ўніверсітэт, што атрымаў статус вядучай ВНУ ў нацыянальнай сістэме адукацыі ў галіне культуры, стаў буйным навуковым і метадычным цэнтрам, а таксама захавальнікам і папулярызатарам культурнай спадчыны беларускага народа. Пры ёй нараджаліся яркія і светлыя традыцыі ўніверсітэта, што дапамагалі падтрымліваць яго адметнасць і своеасаблівасць…

Развітанне з гэтым чалавекам было напоўненае слязьмі і болем у сэрцы тых, хто ведаў Ядвігу Дамінікаўну, бачыў святло яе ўсмешак і адчуваў яе сапраўднае чалавечае цяпло.

Светлая памяць.