Сайт Белорусского государственного университета культуры и искусств
Авг 21

янка купала

У чытальнай зале бібліятэкі экспануецца кніжная выстава с фонду рэдкіх кніг, прысвечаная 135-годдзю з дня нараджэння песняра беларускага народа – Янке Купалу. На выставе прадстаўлены прыжыццёыя выдані паэта: “Адвечная песьня”, надрукаваная А. Грыневічам у Санкт-Пецярбургу ў 1910 г. і «Избранное», у перакладзе на русскую мову, выдаддзеная падчас Вялікай Айчыннай вайны ў Дзяржаўным выдавецтве Дзіцячай літаратуры (М. ; Л., 1942).

Праз год пасля трагічнай гібелі паэта 28 чэрвеня 1942 г. выдавецтва ЦК КП(б)Б “Савецкая Беларусь” (знаходзілася ў гэты час у Маскве) надрукавала брашуру “Памяці Янкі Купалы (1882–1942)” (М., 1943), дзе змешчаны дакументы ЦК КП(б)Б: Паведамленне аб смерці народнага паэта Беларусі Янкі Купалы, Пастанова СНК БССР і Бюро ЦК КП(б)Б ад 2 ліпеня 1942 г. “Аб літаратурнай спадчыне народнага паэта БССР Янкі Купалы” і інш., а таксама Кароткі біяграфічна-крытычны нарыс пра Янку Купалу Кузьмы Чорнага, верш Якуба Коласа “Над магілаю друга” і апісаны працэс пахавання паэта з прамовамі дзяржаўных дзеячаў Беларусі і беларускіх, рускіх, украінскіх, літоўскіх, югаслаўскіх, татарскіх дзеячаў культуры і мастацтваў. Выданне ў 2 асобніках трапіла у Аддзел рэдкіх кніг у 2013 г.

У перыяд з 1942 па 1945 г. вершы Янкі Купалы ўключалісь у збонікі: “За Савецкую Беларусь” (М., 1942), дзе сабраны вершы беларускіх паэтаў і пісьменнікаў пра вайну і “За шчасце Беларусі” (М. ; Л., 1945) з вершамі і апавяданнямі беларускіх аўтараў. Яны таксама прадстаўлены на выставе.

С сучасных выданняў паэта экспануюцца: мініяцюрнае выданне “Тарасавай долі”, Зборам твораў у 6 т., т. 1 (Мн., 1951) і іншыя.

Другая частка выстаўкі прысвечана жыццю і дзейнасці Янкі Купалы такіх аўтараў, як Іван Навуменка, М. Ярош, Р. Бярозкіна, А. Майхровіча, Уладзіміра Юрэвіча, С.Х. Александровіча і шмат іншых.

Ад шчырага сэрдца запрашаем наведаць выставу!

автор: admin

Оставьте свой отзыв

Вы должны войти, чтобы оставлять комментарии.