Пропустить контент

21 лютага — Міжнародны дзень роднай мовы

Posted in Новости

Беларусь — край лясоў і дубраў, тысячы рэк і азёр, прасторных палёў і лугоў.

Беларусь — краіна замкаў і цэркваў, палацаў і паркаў, самых старажытных гарадоў Еўропы, культурна-гістарычнай спадчыны ў спісе ЮНЭСКА.

Беларусь — радзіма Францыска Скарыны і Максіма Багдановіча, Якуба Коласа і Янкі Купалы, Марка Шагала.

Беларусь — краіна, дзе час замарудзіў свой бег. На фоне цывілізацыі сучаснасці ў Беларусі прырода застаецца натуральнай, людзі — чалавечнымі, а каштоўнасці — вечнымі. Самай вялікай нашай каштоўнасцю па сённяшні дзень застаецца наша родная беларуская мова. Родная — значыць любімая, дарагая, самая-самая…

Беларусам многія могуць пазайздросціць: у спадчыну нам засталася па-сапраўднаму ўнікальная мова. Паводле даследаванняў ЮНЭСКА беларуская мова з’яўляецца самай мілагучнай пасля італьянскай. Самая мілагучная, багатая, жывая, песенная і старажытная… Беларуская мова заслугоўвае таго, каб яе любілі і на ёй гаварылі.

Даведацца пра «смак» роднай мовы праз назвы страў беларускай  нацыянальнай кухні Вы можаце на  выставе, якая арганізавана на абанеменце бібліятэкі.