Выдавецкая дзейнасць

Загадчык рэдакцыйна-выдавецкага аддзела Л.Ц.Спірыдонава

Рэдакцыйна-выдавецкі аддзел БДУ культуры і мастацтваў арганізуе сваю дзейнасць у адпаведнасці з ліцэнзіяй, выдадзенай Міністэрствам інфармацыі Рэспублікі Беларусь і ажыццяўляе выпуск вучэбных, навуковых і вытворча-практычных выданняў.

З кастрычніка 2002 г. выдаецца навукова-метадычны часопіс “Веснік Беларускага дзяржаўнага універсітэта культуры і мастацтваў”.

Матэрыялы для публікацыі ў часопісе “Веснік БДУ культуры і мастацтваў” падаюцца надрукаванымі 14 кеглем (шрыфт Times New Roman Cyr) на лістах фарматам А4 і дыскеце. На старонцы павінна змяшчацца 29–30 радкоў, у радку – 60 знакоў з улікам прабелаў паміж словамі. Абзацны водступ складае 0,8 см. Аб’ём артыкула да 10 старонак.

Загаловак друкуецца вялікімі літарамі. Перад загалоўкам змяшчаюцца ініцыялы і прозвішча аўтара.

Змест артыкула павінен адпавядаць патрабаванням ВАК РБ, выкладзеным у главе 5 “Аб'ём і структура навуковых публікацый па тэме дысертацыі” Інструкцыі па афармленні дысертацыі, аўтарэферата і публікацый па тэме дысертацыі.

Калі пры напісанні артыкула былі выкарыстаны апублікаваныя матэрыялы іншых аўтараў, то на іх робяцца спасылкі. Яны змяшчаюцца пасля тэксту ў алфавітным парадку. У тэксце ж у квадратных дужках указваюцца парадкавы нумар крыніцы згодна спісу і старонка.

Спасылкі на неапублікаваныя работы (за выключэннем дысертацый) не дапускаюцца.

Фактычны матэрыял у артыкуле павінен быць вывераны, аб чым на палях робіцца адзнака з роспісам аўтара.

Старонкі нумаруюцца ўнізе па цэнтры.

У канцы артыкула аўтар паведамляе наступныя звесткі: прозвішча, імя, імя па бацьку, месца работы, пасада, вучоная ступень і званне, службовы і дамашні адрас і нумар тэлефона.

Да артыкула прыкладаюцца рэкамендацыя да публікацыі (кафедры) і рэцэнзія (знешняя).

Рэдакцыйная калегія можа вярнуць артыкул аўтару на дапрацоўку. Дапрацаваны тэкст аўтар павінен вярнуць разам з першапачатковым экзэмплярам і адказам на ўсе заўвагі.

Рэдакцыйная калегія мае права адхіліць артыкул.

Мінск, Рабкораўская 17, пакой 616

Тэл. 222-83-25