Дактарантура

Дактарантура БДУ культуры і мастацтваў працуе з 1998 г.

У дактарантуру прымаюцца асобы з вучонай ступенню кандыдата навук, якія маюць навуковыя труды (артыкулы, манаграфіі, патэнты, вынаходніцтвы і інш. матэрыялы, якія пацвярджаюць уклад у навуку), што складаюць у сукупнасці аснову для доктарскай дысертацыі з магчымасцю яе завяршэння ў трохгадовы тэрмін па наступных спецыяльнасцях:

05.25.03 — “бiблiятэказнаўства, бiблiяграфазнаўства і кнігазнаўства” (педагагічныя навукі);

13.00.05 — “тэорыя, методыка i арганiзацыя сацыяльна-культурнай дзейнасцi” (педагагічныя навукі);

17.00.09 — “тэорыя і гісторыя мастацтва” (мастацтвазнаўства);

24.00.01 — “тэорыя і гісторыя культуры” (культуралогія);

24.00.03 — “музеязнаўства, кансервацыя i рэстаўрацыя гiсторыка-культурных аб’ектаў” (культуралогія).

Асобы, якiя паступаюць у дактарантуру, падаюць на імя рэктара універсітэта наступныя дакументы:

заяву;

асабовы лісток па ўліку кадраў;

аўтабіяграфію;

медыцынскую даведку па форме, устаноўлена Міністэрствам аховы здароўя для асоб, якія паступаюць у ВНУ;

дзве фотакарткі памерам 4 х 6 см;

копію дыплома кандыдата навук;

копію працоўнай кніжкі;

спіс і копіі апублікаваных навуковых прац;

план падрыхтоўкі доктарскай дысертацыі, які разлічаны на завяршэнне работы ў трохгадовы тэрмін;

водгукі двух дактароў навук, накірункі даследаванняў, якіх набліжаны да тэмы дысертацыі, з адзнакай актуальнасці і навуковай абгрунтаванасці тэмы і мяркуемага плана падрыхтоўкі дысертацыі, указаннем магчымасці яго выканання за 3 гады.

Пашпарт, дыплом кандыдата навук падаюцца асабіста.

Для паступлення ў дактарантуру прэтэндэнт павінен выступіць з навуковым дакладам на пасяджэнні кафедры па профілі даследавання, а таксама прадставіць праект індывідуальнага плана работы з абгрунтаваннем тэрміну выканання доктарскай дысертацыі.

Кафедра аналізуе актуальнасць навуковай тэмы, магчымасць яе ўключэння ў зацверджаныя навуковыя планы, адпаведнасць прыярытэтным кірункам фундаментальных і прыкладных навуковых даследванняў, а таксама іншыя ўмовы, якія забяспечваюць падрыхтоўку доктарскай дысертацыі ва ўстаноўлены тэрмін. На падставе заключэння кафедры Савет універсітэта прымае рашэнне аб прыёме ў дактарантуру, зацвярджае тэму і індывідуальны план работы.

Па рашэнні Савета універсітэта для аказання навукова-метадычнай дапамогі дактарантам у правядзенні навуковых даследаванняў па тэме дысертацыі прызначаецца навуковы кансультант з ліку дактароў навук.

Залічэнне ў дактарантуру, зацвярджэнне тэмы і індывідуальнага плана работы, а таксама назначэнне навуковага кансультанта афармляецца загадам рэктара.

Дактарант за тэрмін навучання ў дактарантуры абавязан:

цалкам выканаць індывідуальны план работы;

завяршыць работу над дысертацыяй і прадставіць яе для папярэдняй экспертызы.