Аспірантура
 Краткие паспорта специальностей
Программы кандидатских минимумов
Адрас: 220001, г. Мiнск, вул. Рабкораўская, 17, пакой 213 (аспiрантура).
Тэлефон для даведак: (017) 222-83-41.
 Загадчык аспірантуры – Тамара Пятроўна Велішкевіч.
Аспірантура БДУ культуры і мастацтваў з’яўляецца адной са ступеней паслявузаўскай адукацыі, мэта якой – падрыхтоўка навуковых кадраў вышэйшай кваліфікацыі з прысуджэннем вучонай ступені кандыдата навук.
Аспірантура універсітэта пачала сваю дзейнасць у 1989 годзе. За 1992-2005 гады аспірантурай універсітэта падрыхтавана 140 аспірантаў, з іх 112 – на дзённай форме навучання. Абаронена 47 кандыдацкіх дысертацый.
Дзяржаўная ўстанова адукацыі “Беларускі дзяржаўны універсітэт культуры і мастацтваў” ажыццяўляе падрыхтоўку аспірантаў па пяці спецыяльнасцях:
05.25.03 — “бiблiятэказнаўства, бiблiяграфазнаўства і кнігазнаўства” (педагагічныя навукі);
13.00.05 — “тэорыя, методыка i арганiзацыя сацыяльна-культурнай дзейнасцi” (педагагічныя навукі);
17.00.09 — “тэорыя і гісторыя мастацтва” (мастацтвазнаўства);
24.00.01 — “тэорыя і гісторыя культуры” (культуралогія);
24.00.03 — “музеязнаўства, кансервацыя i рэстаўрацыя гiсторыка-культурных аб’ектаў” (культуралогія).
Тэматыку кандыдацкіх дысертацый абумоўліваюць праблемы культуры і мастацтва Беларусі і замежжа.
Асноўнымі кірункамі навукова-даследчай работы аспірантаў з’яўляюцца:
гісторыя і тэндэнцыя развіцця духоўнай культуры Рэспублікі Беларусь (спецыяльнасці 24.00.01, 24.00.03);
актуальныя праблемы мастацтва Рэспублікі Беларусь (17.00.09);
сацыякультурная дзейнасць ва ўмовах трансфармацыі беларускага грамадства ў пачатку ХХІ ст. (13.00.05);
інфармацыйнае грамадства: інфармацыйныя і камунікацыйныя тэхналогіі і рэсурсы (05.25.03).
Тэматыка дысертацыйных даследванняў адпавядае найбольш перспектыўным кірункам сацыяльна-эканамічнага развіцця краіны на 2006-2010 гг.
05.25.03 — “бiблiятэказнаўства, бiблiяграфазнаўства і кнігазнаўства” (педагагічныя навукі)
сацыяльна-педагагічныя аспекты дзейнасці бібліятэк Беларусі і іх кадравае забеспячэнне;
інфармацыйныя рэсурсы бібліятэк у сістэме сацыякультурных камунікацый;
інавацыйнае забеспячэнне дзейнасці бібліятэчнай сістэмы;
стварэнне нацыянальнай базы і базы даных;
забеспячэнне доступу да сістэм камунікацый і эфектыўнага пошуку ў замежных інфармацыйных рэсурсах.
13.00.05 — “тэорыя, методыка i арганiзацыя сацыяльна-культурнай дзейнасцi” (педагагічныя навукі)
выхаванне творчага патэнцыялу асобы сродкамі сацыякультурнай дзейнасці;
праектаванне і прагназаванне развіцця сацыякультурнай сферы;
сацыяльныя тэхналогіі ў сферы культуры і вольнага часу;
канцэптуальна-тэарэтычныя і тэхналагічныя высновы арт-менеджмента;
прадзюсерства ў культуры і мастацтве;
даследаванні новых відаў аматарскай творчасці.
17.00.09 — “тэорыя і гісторыя мастацтва” (мастацтвазнаўства)
даследаванне дзейнасці чалавека ва ўсе перыяды існавання і развіцця мастацтва;
уплыў мастацкіх каштоўнасцей на мастацкае жыццё народаў, на культуру асобы і грамадства;
кампаратывізм у сучасным мастацтвазнаўстве як навуковы падыход і творчы метад;
этнафоназнаўства;
традыцыйнае мастацтва Беларусі як аснова развіцця нацыянальнай мастацкай школы. Культуралогія
24.00.01 — “тэорыя і гісторыя культуры”
24.00.03 — “музеязнаўства, кансервацыя i рэстаўрацыя гiсторыка-культурных аб’ектаў”
міжкультурныя камунікацыі ў кантэксцэ глабалізацыйных працэсаў;
культура Беларусі ў сучасным культурным працэсе;
беларуская культура ва ўмовах глабалізацыі: крос-культурныя ўзаемадзеянні і праблема захавання нацыянальнай ідэнтыфікацыі;
працэсы як уключэнне чалавека ў свет культуры, працэсы функцыянавання духоўнай культуры; тэндэнцыі сацыякультурнага развіцця розных сацыяльных груп грамадства і ітстытутаў культуры;
узнікненне і развіцце сучасных феноменаў культуры;
гісторыка-культурная спадчына Беларусі: праюлема захавання;
музейная педагогіка і экскурсазнаўства.
У аспірантуру прымаюцца асобы, якія маюць дыплом аб вышэйшай адукацыі і дыплом магістра, схільнасць да навуковых даследаванняў, пацверджаную навуковымі публікацыямі, удзелам у навукова-даследчых праектах, навукова-практычных канферэнцыях, семінарах і інш. матэрыяламі, а таксама вопыт практычнай дзейнасці не менш за 2 гады ці рэкамендыцыю савета факультэта ВНУ.
У аспірантуру з адрывам і без адрыву ад вытворчасці на конкурснай аснове прымаюцца асобы, якiя маюць дыплом аб вышэйшай адукацыі і (ці) дыплом магістра, схiльнасць да навуковых даследаванняў, пацверджаную навуковымі публікацыямі, удзелам у навукова-даследчых праектах, навукова-практычных канферэнцыях, семінарах і іншымі матэрыяламі; а таксама вопыт практычнай дзейнасці не менш за 2 гады ці рэкамендацыю савета факультэта ВНУ.
Асобы, якія раней прайшлі поўны курс навучання ў аспірантуры ці былі залічаны ў якасці суіскальнікаў вучонай ступені, не маюць права паўторнага навучання ў аспірантуры за кошт бюджэтных сродкаў.
Падрыхтоўка ў аспірантуры і дактарантуры, пачынаючы з прыёму 2006 года, ажыццяўляецца на кантрактнай аснове. (Форма заяўкі - дзяржаўнага заказу дадаецца).
Прыём дакументаў у аспірантуру ажыццяўляецца штогод ва ўстаноўлены тэрмін: з 1 па 15 верасня. Асобы, якiя паступаюць у аспірантуру, падаюць на імя рэктара універсітэта наступныя дакументы:
заяву;
асабовы лісток па ўліку кадраў;
аўтабіяграфію;
медыцынскую даведку па форме, якая ўстаноўлена Міністэрствам аховы здароўя для асоб, якія паступаюць у ВНУ;
тры фотакарткі памерам 4 х 6 см;
спіс і копіі апублікаваных навуковых прац, вынаходніцтваў, патэнтаў, спісы справаздач аб выкананых навуковых даследаваннях і распрацоўках, а таксама навуковы рэферат па абранай тэме ў адпаведнасці са спецыяльнасцю;
копіі дыплома аб вышэйшай адукацыі і (ці) дыплома магістра, а таксама дадатак да дыплома аб вышэйшай адукацыі і (ці) дыплома магістра;
копію працоўнай кніжкі (для працоўных), або выпіску з пратакола пасяджэння савета факультэта вышэйшай навучальнай установы (для асоб, рэкамендаваных у аспірантуру непасрэдна пасля заканчэння ВНУ, магістратуры);
копіі дакументаў аб здачы кандыдацкіх экзаменаў (пры наяўнасці ў паступаючых у аспірантуру здадзеных экзаменаў).
Пашпарт, дыплом аб заканчэнні ВНУ і дакументы аб здачы кандыдацкіх экзаменаў падаюцца асабіста.
Асобы, якія паступаюць у аспірантуру па накіраваннях арганізацый, дадаткова падаюць накіраванне і праект дамовы паміж арганізацыяй і універсітэтам.
У рэкамендацыі савета факультэта павінна быць указана тэма дыпломнай работы ці магістэрскай дысертацыі, а таксама адлюстраваны ўдзел рэкамендаванай асобы ў навукова-практычных канферэнцыях, семінарах, наяўнасць у яе публікацый (артыкулаў, дакладаў), грантаў, імянных стыпендый, іншыя звесткі, якія характарызуюць ступень удзелу выпускніка ВНУ у навуковых даследаваннях па профілі абранай спецыяльнасці.
Ва ўсіх паступаючых у аспiрантуру да 15 верасня павiнна адбыцца гутарка з загадчыкам кафедры i магчымым навуковым кiраўнiком. Аб яе выніках у аспірантуру падаецца даведка.
Паступаючыя ў аспірантуру здаюць уступныя экзамены па спецыяльнасці, філасофіі і метадалогіі навукі і замежнай мове ў аб’ёме праграм, якія дзейнічаюць для вышэйшых навучальных устаноў.
Ацэнка ведаў паступаючых асоб ажыццяўляецца па пяцібальнай шкале.
Пераздача ўступных экзаменаў не дапускаецца.
Асобы, якiя здалі ўсе або часткова кандыдацкія экзамены, вызваляюцца ад адпаведных уступных экзаменаў і маюць перавагу пры залічэнні ў аспірантуру па конкурсе. Здача экзаменаў па спецыяльнасці абавязковая.
Уступныя экзамены — з 1 па 30 кастрычніка.
Залічэнне ў аспірантуру — з 1 снежня.
Асобам, якiя дапушчаны да ўступных экзаменаў у аспiрантуру з адрывам i без адрыву ад вытворчасцi, па iх заявах наймальнiк абавязаны даць водпуск (да 30 каляндарных дзён) без захавання заробку для падрыхтоўкi i здачы ўступных экзаменаў.
Асобы, якія часткова здалі кандыдацкія экзамены, карыстаюцца водпускам без захавання заробку для здачы іншых уступных экзаменаў з разліку па 10 каляндарных дзён на кожны экзамен.
Па выніках уступных экзаменаў прыёмная камісія выносіць рашэнне аб залічэнні ў аспірантуру асоб, што паспяхова здалі экзамены на конкурснай аснове з улiкам вакантных месцаў. Залiчэнне праводзiцца ў адпаведнасці з загадам рэктара унiверсiтэта.
Аспiрантам, якiя навучаюцца з адрывам ад вытворчасцi, ва ўстаноўленым парадку выплачваецца стыпендыя.
Тэрмін навучання ў аспірантуры з адрывам ад вытворчасці складае тры гады, без адрыву ад вытворчасці — чатыры гады.
| 
