Рэспубліканскі семінар-практыкум па тэме: “Асаблівасці дзейнасці сельскіх устаноў культуры ў сучасных сацыяльна-эканамічных умовах”

У адпаведнасці з планам метадычнай вучобы кадраў галіны культуры на 2010 год, зацверджаным Міністрам культуры Рэспублікі Беларусь ў Інстытуце павышэння кваліфікацыі і перападрыхтоўкі кадраў УА ”Беларускі дзяржаўны універсітэт культуры і мастацтваў“ 27 красавіка 2010 года  адбыўся Рэспубліканскі семінар-практыкум па тэме: “Асаблівасці дзейнасці сельскіх устаноў культуры ў сучасных сацыяльна-эканамічных умовах”.

У семінары-практыкуме прынялі ўдзел спецыялісты абласных упраўленняў культуры, выкладчыкі Акадэміі кіравання пры Прызідэнце Рэспублікі Беларусь, УА “Беларускі дзяржаўны універсітэт культуры і мастацтваў”,  начальнікі раённых аддзелаў культуры, дырэктары раённых метадычных цэнтраў народнай творчасці, дырэктары сельскіх дамоў культуры, загадчыкі сельскіх клубаў, новых спецыялізаваных варыятыўных і інтэграваных устаноў культуры.

Адкрыла семінар-практыкум намеснік дырэктара Інстытута павышэння кваліфікацыі і перападрыхтоўкі кадраў “Беларускі дзяржаўны універсітэт культуры і мастацтваў” Дуброва Ванда Юліанаўна, якая пазнаёміла ўдзельнікаў семінара з новымі кірункамі і прапановамі па формам  перападрыхтоўкі спецыялістаў сацыякультурнай сферы ў ІПКПК.

Жмачынская Лілія Фамінічна – намеснік начальніка аддзела інавацыйных тэхналогій у сацыякультурнай дзейнасці ІПКПК адзначыла, што праблематыка, якой прысвечаны семінар-практыкум вельмі актуальна і разглядалася на канферэнцыях і семінарах неаднаразова, але ж у такім разгорнутым фармаце, у якім яна прадстаўлена ў праграме – упершыню.

Неабходнасць комплекснага вырашэння праблем вёскі, сацыякультурнага развіцця сельскіх паселішчаў,  дзе асноўным прыярытэтам з’яўляецца клопат аб чалавеке, аб паляпшэнні якасці яго жыцця формамі культурных паслуг знайшла сваё адлюстраванне ў праграмных дакументах і мерапрыемствах па рэалізацыі Дзяржаўных Праграм  “Адраджэнне і развіццё вёскі на 2005 – 2010 гг.”, “Адраджэнне малых гарадоў і сельскіх паселішчаў”.

Так, мерапрыемствы па выкананні Дзяржаўнай Праграмы “Адраджэнне і развіццё вёскі на 2005 – 2010 гг.” з’явіліся доўгатэрміновымі асновапалагаючымі канцэптуальнымі напрамкамі дзейнасці ў рабоце сучасных сацыякультурных інстытутаў у сельскай мясцовасці. У галіновым раздзеле Праграмы былі вызначаны дакладныя планавыя заданні і мерапрыемствы, якія і на сёння накіроўваюць стратэгічнае і тактычнае развіццё ўстаноў культуры працуючых на сяле: дамоў культуры, сельскіх клубаў, цэнтраў культуры і вольнага часу, дамоў народнай творчасці, перасоўных устаноў культуры, клубаў сацыяльна-культурных паслуг і інш. Яны абазначаюць дынамізм іх дзейнасці, тэхналогій работы, садзейнічаюць якаснаму комплекснаму культурнаму абслугоўванню сельскага насельніцтва ў новых сацыяльна-эканамічных умовах, у тым ліку ў аграгарадках (умацаванне матэрыяльна-тэхнічнай базы сельскіх устаноў культуры, упарадкаванне, рэфармаванне, аптымізацыя сеткі ўстаноў культуры праз стварэнне новых інтэграваных варыятыўных мадэляў і тыпаў устаноў культуры –  аўтаклубаў, клубаў-музеяў, клубаў-бібліятэк, бібліобусаў, клубаў культурных паслуг, цэнтраў фальклору, дамоў народнай творчасці; адкрыццё новых філарманічных пляцовак у сельскіх рэгіёнах і паселішчах; абслугоўванне сельскіх жыхароў аддаленых і маланаселеных тэрытарыяльных паселішчаў формамі клубных паслуг праз дзейнасць мабільных перасоўных устаноў культуры; камп’ютэрызацыя ўстаноў культуры; адкрыццё на сяле філіялаў і класаў дзяцічых школ мастацтва з рознымі напрамкамі мастацкай творчасці).

Семінар меў вельмі прадстаўнічы ўзровень выступоўцаў: з тэмай “Рэспубліка Беларусь у кантэксце перахода да ўстойлівага сацыяльна-эканамічнага развіцця” азнаёміў удзельнікаў семінара дацэнт кафедры дзяржаўнага будаўніцтва Акадэміі кіравання пры Прэзідэнце Рэспублікі Беларусь Ярмоленкаў Віктар Уладзіміравіч, які таксама адзначыў сучасныя тэндэнцыі і працэсы, якія адбываюцца ў аграгарадках.

Аб выкарыстанні элементаў народнай культуры ў дзейнасці сельскіх клубных устаноў удзельнікам семінара распавёў Крук Іван Іванавіч – кандыдат філалагічных навук, дацэнт кафедры этналогіі і фальклору УА “Беларускі дзяржаўны універсітэт культуры і мастацтваў”.  Дацэнт Інстытута павышэння кваліфікацыі і перападрыхтоўкі кадраў УА “Беларускі дзяржаўны універсітэт культуры і мастацтваў”, кандыдат тэхнічных навук Кулік Іван Іванавіч распавёў  аб рабоце ўстаноў культуры па аказанні платных паслуг сельскаму насельніцтву.

Аб методыке выкарыстання галіновага інтэграванага банка даных устаноў культуры праінфармаваў Бастракоў Уладзімір Пятровіч – начальнік аддзела інфарматыкі і сістэмнага аналізу Інстытута павышэння кваліфікацыі і перападрыхтоўкі кадраў  УА “Беларускі дзяржаўны універсітэт культуры і мастацтваў”.

 Прафесар кафедры педагогікі сацыякультурнай дзейнасці УА “Беларускі дзяржаўны універсітэт культуры і мастацтваў” Самерсава Надзея Уладзіміраўна  змястоўна расказала аб формах работы ўстаноў культуры па экалагічнаму выхаванню сельскага насельніцтва.

Аб вопыце работы ўстаноў культуры, працуючых ў аграгардках Міншчыны ўдзельнікам семінара паведаміла Ляйко Галіна Анатольеўна – галоўны спецыяліст упраўлення культуры Мінскага аблвыканкама. Шмат карыснага аб рабоце ў рэгіёне паведаміў удзельнікам семінара начальнік аддзела культуры Любанскага райвыканкама Мінскай вобласці Каткавец Васіль Сцяпанавіч. Аб новых падыходах да праблем сельскай культуры распавяла начальнік аддзела культуры Глыбоцкага райвыканкама Муравей Рыма Зіноўеўна.  Аб здабытках у рабоце сельскіх устаноў культуры па захаванню нематэрыяльнай культурнай спадчыны  паведаміла начальнік аддзела інавацыйных тэхналогій у сацыякультурнай дзейнасці Сташкевіч Алла Барысаўна.

 Напрыканцы семінара-практыкума загадчык кафедры паслядыпломнай адукацыі Інстытута павышэння кваліфікацыі і перападрыхтоўкі кадраў, кандыдат педагагічных навук Глубачэнка Васіль Міхайлавіч  пазнаёміў удзельнікаў семінара з інавацыйнымі формамі і методыкай работы аматарскага калектыву з новым электронным  клавішным музычным інструментам.

У рамках практычнай дзейнасці ўдзельнікам семінара-практыкума ажыццяўляўся запіс на электронныя носьбіты нарматыўных прававых дакументаў па метадычнаму суправаджэнню работы ўстаноў культуры і аматарскіх калектываў, прапанаваны прыкладныя палажэнні аб стварэнні новых варыятыўных і інтэграваных тыпаў і мадэляў устноў клубнага тыпу, вопыт лепшых сцэнарыяў клубных мерапрыемстваў і сцэнарна-метадычных матэрыялаў па арганізацыі работы з рознымі катэгорыямі сельскага насельніцтва. Удзельнікам семінара былі прапанаваны пакеты прафесійнай і сцэнарна-метадычнай літаратуры.

Удзельнікам семінара ўдалося абмеркаваць аптымальныя варыянты і шляхі рашэння вынесеных пытанняў семінара-практыкума, новыя падыходы да вырашэння праблем сельскай культуры, павышэнне якасці жыцця сельскага насельніцтва як галоўнай мэты культурнай палітыкі краіны.

 У семінары прымаў удзел журналіст прафесійнай газеты “Культура” Яўген Рагін.