Інфармацыя для замежных студэнтаў

Беларускі дзяржаўны універсітэт культуры і мастацтваў (БДУКМ) пачынаўся як Мінскі інстытут культуры ў 1975 г. Яго задача была падрыхтоўка спецыялістаў сферы культуры для Рэспублікі Беларусі і іншых краін.

Асноўнай прынцыповай канцэпцыяй універсітэта з’яўляецца ўдасканаленне адукацыі, прывядзенне яе да сусветных стандартаў. Галоўным у гэтым з’яўляецца падрыхтоўка спецыялістаў, якая спалучае глыбокія спецыяльныя веды з фундаментальнай гуманітарнай базай.

Паколькі стратэгія універсітэта накіравана на ХХІ век, тут укаранены адпаведныя часу вучэбныя планы, сучасныя інфармацыйныя тэхналогіі і метады навучання. БДУКМ мае добры рэйтынг сярод беларускіх вну дзякуючы высокаму ўзроўню навуковай работы, распрацоўцы інавацыйных курсаў.

Размешчаны ў цэнтры Мінска, вядомага сваім культурным жыццём, універсітэт прапануе ўсе перавагі сучаснай вну з міжнароднай рэпутацыяй.

Універсітэт складаецца з 6 факультэтаў: факультэт культуралогіі і сацыякультурнай дзейнасці, факультэт традыцыйнай беларускай культуры і сучаснага мастацтва, факультэт інфармацыйна-дакументных камунікацый, факультэт музычнага мастацтва, факультэта павышэння кваліфікацыі і перападрыхтоўкі кадраў і факультэт завочнага навучання, якія аб’ядноўваюць 26 універсітэцкіх і спецыяльных кафедр.

У 2006/07 навучальным годзе ў вну навучалася 4944 студэнта (2491 – дзённай і 2453 – завочнай формы навучання). З 302 выкладчыкаў 21 доктар навук, 26 прафесараў, 100 кандыдатаў навук, 85 дацэнтаў. Больш за 150 вядомых прафесіяналаў у сферы беларускай культуры і мастацтва запрошаны ў якасці сумяшчальнікаў.

На дадзены момант ва універсітэце навучаюцца грамадзяне з Расіі, Украіны, Малдовы, Літвы, Кітая, Польшчы, Лівана і іншых стран.

БДУКМ прапануе праграмы падрыхтоўкі па 16 спецыяльнасцях і 47 спецыялізацыях. Дысцыпліны, якія вывучаюцца, аб’яднаны ў 4 блокі: гуманітарныя, сацыяльныя і эканамічныя прадметы (25–30%), агульнанавуковыя і агульнапрафесійныя (35–40%), спецыяльныя дысцыпліны (25–30%) і дысцыпліны спецыялізацыі (10–14%). Праграма падрыхтоўкі ўключае каля 5000 гадзін, якія размеркаваны на ўвесь 5-гадовы тэрмін навучання.

Навучальны год падзелены на два семестры, першы з якіх працягваецца з верасня па студзень і другі – з лютага па чэрвень. Зімовыя канікулы звычайна працягваюцца з 28 студзеня па 7 лютага.

Факультэты прапануюць навучанне па наступных спецыяльнасцях і спецыялізацыях.

Факультэт культуралогіі і сацыякультурнай дзейнасці

Культуралогія
– тэорыя і гісторыя культуры;
– сусветная і айчынная мастацкая культура;
– менеджмент сацыяльнай і культурнай сферы;
– інфармацыйныя сістэмы ў культуры;
– менеджмент міжнародных культурных сувязей.

Мастацтвазнаўства
– кампаратыўнае мастацтвазнаўства.

Сацыяльная работа
– сацыяльна-культурная дзейнасць;
– рэабілітацыя сродкамі мастацтва.

Сацыяльная педагогіка
– выхаваўчая работа ва ўстановах сацыяльна-культурнай сферы.

Факультэт музычнага мастацтва

Дырыжыраванне
– акадэмічны хор.

Спевы
– акадэмічныя;
– народныя.

Духавыя інструменты
– народныя.

Мастацтва эстрады
– інструментальная музыка;
– спевы;
– камп’ютэрная музыка;
– арыгінальны жанр;
– размоўны жанр.

Народная творчасць (па кірунках)
– харавая музыка акадэмічная;
– харавая музыка народная;
– інструментальная музыка духавая;
– інструментальная музыка народная;
– фальклор.

Факультэт традыцыйнай беларускай культуры і сучаснага мастацтва

Дэкаратыўна-прыкладное мастацтва
– рэстаўрацыя твораў дэкаратыўна-прыкладнога мастацтва.

Акцёрскае мастацтва
– акцёрскае мастацтва драматычнага тэатра і кіно.

Рэжысура
– эстрада;
– масавыя відовішчы і святы;
– фальклорны тэатр;
– народныя абрады і святы.

Харэаграфічнае мастацтва
– народны танец;
– бальны танец;
– эстрадны танец.

Народная творчасць
– тэатральная;
– народныя рамёствы.

Літаратурная работа (творчасць)
– драматургія;
– кінадраматургія.

Факультэт інфармацыйна-дакументных камунікацый

Бібліятэказнаўства і бібліяграфія
– маркетынг бібліятэчнай справы;
– навукова-тэхнічная і патэнтная інфармацыя;
– бібліятэчнае абслугоўванне дзяцей і юнацтва;
– бібліятэчна-бібліяграфічнае краязнаўства;
– аўтаматызаваныя бібліятэчна-інфармацыйныя сістэмы;
– інфармацыйнае забеспячэнне сацыяльна-гуманітарнай сферы;
– інфармацыйнае забеспячэнне навукова-тэхнічнага і медыцынскага комплексаў;
– беларуская мова і літаратура;
– замежная мова;
– кнігазнаўства і менеджмент кніжнага гандлю.

Музейная справа і ахова гісторыка-культурнай спадчыны
– музейная справа і ахова гісторыка-культурнай спадчыны (музеязнаўства).

Факультэт завочнага навучання

прапануе атрымаць вышэйшую адукацыю па ўсіх спецыяльнасцях дзённай формы навучання.

Універсітэт прапаноўвае аднагадзічны курс вочнай або завочнай магістратуры па наступных спецыяльнасцях:
– культуралогія;
– мастацтвазнаўства;
– бібліятэказнаўства і бібліяграфія;
– музейная справа і ахова гісторыка-культурнай спадчыны;
– народная творчасць.

Паступаць у магістратуру могуць асобы, якія атрымалі дыплом аб вышэйшай адукацыі або дыплом бакалаўра.

З 1997 года універсітэт прапануе падрыхтоўку ў трохгадовай вочнай або чатырохгадовай завочнай аспірантуры і дактарантуры па наступных спецыяльнасцях:
– тэорыя і гісторыя мастацтваў;
– тэорыя і гісторыя культуры;
– тэорыя, методыка і арганізацыя сацыяльна-культурнай дзейнасці;
– бібліятэказнаўства, бібліяграфазнаўства і кнігазнаўства;
– кансервацыя і рэстаўрацыя музейных аб’ектаў.

Тры навуковыя саветы, якія створаны ва універсітэце, маюць права прымаць да абароны дысертацыі з далейшым прысваеннем навуковай ступені кандыдата (доктара) мастацтвазнаўства, культуралогіі, педагагічных навук.

Мова навучання руская і беларуская. Для замежных студэнтаў БДУКМ прапануе аднагадзічныя курсы рускай мовы, на якіх, акрамя моўных урокаў, будучыя студэнты мастацкіх спецыяльнасцей могуць наведваць заняткі па абранай спецыяльнасці.

Ацэнка ведаў, якая прынята ў БДУКМ, уключае адзнакі ад 10 (выдатна) да 1 (вельмі дрэнна). Адзнакі ад 10 да 4 лічацца станоўчым, а ад 3 да 1 – нездвальняючымі. Студэнты, якія не здалі экзамен, маюць права перездачы.

Інтэрнаты універсітэта.
Два будынкі інтэрнатаў знаходзяцца ў непасрэднай блізкасці ад універсітэта і могуць прыняць прыкладна 1300 студэнтаў. У іх пражываюць не толькі студэнты БДУКМ, але і тыя, хто прыязджае па праграмах міжнароднага абмену. Блокі з двух двухмесных нумароў забяспечваюць студэнтам камфортныя ўмовы пражывання.

Кошт навучання:
Для замежных грамадзян устаноўлены наступны кошт навучання (на 01.09.2006 г.):
1. Курсы рускай мовы – 900–1350 USD у год.
2. Навучанне ў якасці студэнтаў па спецыяльнасцях:
– бібліятэчна-інфармацыйных – 1500 USD у год;
– культуралагічных – 1800 USD у год;
– мастацкіх – 2750 USD у год.
3. Магістратура – 2000 USD у год.
4. Аспірантура – 2750 USD у год, завочная аспірантура 1800 USD у год..
Аплата за інтэрнат – 30 USD у месяц.

Як атрымаць запрашэнне?
Каб атрымаць афіцыйнае запрашэнне на навучанне ў БДУКМ, прэтэндэнт павінен накіраваць у міжнародны аддзел наступныя дакументы:
– заяву на навучанне ў БДУКМ (неабходна указаць спецыялізацыю і форму навучання);
– пасведчанне аб адукацыі з указаннем вывучаных прадметаў і атрыманых адзнак;
– копія нацыянальнага пашпарта;
– адрас, на які можна накіраваць запрашэнне.

Дакументы могуць быць высланы па пошце, факсе, e-mail і прымаюцца да 30 чэрвеня.

Асобы, якія паступаюць на моўныя курсы, павінны прыбыць ва універсітэт не пазней 1 кастрычніка. Тыя, хто валодае мовай навучання, павінны прыбыць не пазней 1 верасня.

Кожны, хто жадае навучацца ва універсітэце, павінен праінфармаваць аб гэтым міжнародны аддзел да 30 жніўня.

Адрасы і тэлефоны Беларускага дзяржаўнага універсітэта культуры і мастацтваў
вул.Рабкораўская, 17
220001, г.Мінск
Рэспубліка Беларусь

Прыёмная рэктара
Тэл. +375 17 222 83 71

Міжнародны аддзел
Тэл. +375 17 222 24 10
Факс +375 17 222 24 09
E-mail: bguki_ic@tut.by