Адпачынак і спорт

Пры аддзеле выхаваўчай работы з моладдзю працуе спартыўны клуб, галоўнай мэтай дзейнасці якога з’яўляецца прапаганда здаровага ладу жыцця і далучэнне студэнтаў універсітэта да фізічнай культуры і масавых відаў спорту. Ва універсітэце дзейнічаюць спартыўныя секцыі і створаны каманды па армрэслінгу, футболе, баскетболе, валейболе, настольным тэнісе, дартсе, шашках і шахматах.

Праводзяцца мерапрыемствы па прафілактыцы СНІД. Забяспечана шырокае інфармаванне студэнцкай моладзі па разнастайных аспектах прафілактычнай работы, якое ажыццяўляецца ў наступных формах: адкрытыя прагляды літаратуры, адзіны дзень інфармавання, куратарскія гадзіны, круглы стол, вечар-папярэджанне, міні-апытанне па выніках Дня прафілактыкі СНІД, інфармацыйна-ілюстраваныя стэнды, відэапрагляд фільмаў.

Спорт і мастацтва арганічна аб’ядналіся ў спартыўных танцах, якія на высокім узроўні выкладаюцца ў Беларускім дзяржаўным універсітэце культуры і мастацтваў. Студэнты прымаюць удзел у чэмпіянатах па спартыўных танцах Еўропы і Беларусі, адкрытых чэмпіянатах Галандыі, Польшчы, Латвіі.

Ва універсітэце распрацавана праграма мерапрыемстваў па прапагандзе здаровага ладу жыцця. Традыцыйна студэнты ўдзельнічаюць у спаборніцтвах  “Мінская восень”, “Мінская лыжня”. На працягу навучальнага года праводзіцца універсітэцкая спартакіяда сярод студэнтаў, якая завяршаецца фінальнымі спаборніцтвамі на стадыёне “Ураджай” на Мінскім моры ў сярэдзіне мая.

Зборныя каманды БДУ культуры і мастацтваў прымаюць актыўны ўдзел у Рэспубліканскіх студэнцкіх гульнях, на якіх асаблівая ўвага надаецца футболу, настольнаму тэнісу, армрэслінгу, лыжным гонкам і лёгкай атлетыцы.

Спартыўным клубам сумесна са студэнцкімі грамадскімі арганізацыямі праводзяцца турыстычныя паходы па гістарычных мясцінах РБ, зорныя паходы, па месцах баявой славы. Праходзяць туры выхаднога дня разам са студэнтамі БДПУ імя М.Танка, БДУФВ і іншых ВНУ.