Палажэнне

ПАЛАЖЭННЕ
аб Студэнцкім савеце Беларускага дзяржаўнага
універсітэта культуры і мастацтваў

1. Агульнае палажэнне

1.1. Студэнцкі савет Беларускага дзяржаўнага універсітэта культуры і мастацтваў (далей ССУ) з’яўляецца кіруючым органам студэнцкага самакіравання. ССУ створаны для рэалізацыі сумесна са студэнцкімі грамадскімі арганізацыямі задач вучэбна-выхаваўчага працэсу, вырашэння сацыяльных і культурных праблем студэнтаў БДУ культуры і мастацтваў (далей універсітэт), абароны іх інтарэсаў, аказання дапамогі адміністрацыі універсітэта ў фарміраванні высокаінтэлектуальнай і маральна-сталай асобы будучага спецыяліста ў сферы культуры і мастацтва.
1.2. Студэнцкі савет БДУ культуры і мастацтваў прадстаўляе інтарэсы студэнтаў.
1.3. Дзейнасць органаў самакіравання ажыццяўляецца ў адпаведнасці з дзеючым Заканадаўствам Рэспублікі Беларусь, Статутам БДУ культуры і мастацтваў, Комплекснай мэтавай праграмай выхавання студэнцкай моладзі універсітэта, заканадаўчымі актамі і на падставе дадзенага Палажэння.
1.4. Палажэнне зацвярджаецца на канферэнцыі студэнтаў БДУ культуры і мастацтваў .
1.5. У сваёй дзейнасці Студэнцкі савет кіруецца прынцыпамі дэмакратыі і гуманізма, педагагічнага ўзаемадзеяння і супрацоўніцтва паміж адміністрацыйнымі структурамі універсітэта, прафесарска-выкладчыцкім складам, супрацоўнікамі і студэнтамі.
1.6. Студэнцкі савет цесна ўзаемадзейнічае з БРСМ і прафсаюзнай арганізацыямі БДУ культуры і мастацтваў, аддзелам выхаваўчай работы з моладдзю.
1.7. Дзейнасць студэнцкага савета БДУ культуры і мастацтваў непасрэдна курыруе начальнік аддзела выхаваўчай работы з моладдзю.

2. Мэты і задачы

2.1. Мэтай Студэнцкага савета БДУ культуры і мастацтваў з’яўляецца:
• стварэнне ўмоў для больш поўнага развіцця творчага патэнцыялу студэнцкай моладзі, паляпшэння прафесійнай падрыхтоўкі студэнтаў універсітэта, фарміравання прафесійнай культуры будучага спецыяліста, яго грамадзянскай пазіцыі, патрыятычнага выхавання, захавання і развіцця традыцый Беларускага дзяржаўнага універсітэта культуры і мастацтваў;
• абарона інтарэсаў, павышэнне сацыяльнай ролі і актыўнасці студэнцкай моладзі.
2.2. Задачы:
• развіццё асобасных якасцей будучага спецыяліста, станаўленне грамадзяніна-патрыёта, фарміраванне палітычнай культуры, нацыянальнай самасвядомасці;
• садзейнічанне адміністрацыі універсітэта ва ўдасканаленні вучэбна-выхаваўчага працэсу, арганізацыі навукова-даследчай дзейнасці студэнтаў універсітэта;
• забеспячэнне высокай арганізаванасці і дысцыпліны студэнтаў у навучальным працэсе, высокага ўзроўню паспяховасці, мэтанакіраванай арганізацыі пазавучэбнага часу, быту і адпачынку;
• удзел у культурна-шэфскай, інфармацыйна-прапагандысцкай рабоце сярод насельніцтва краіны;
• прапаганда здаровага ладу жыцця, фізічнай культуры і спорта;
• развіццё студэнцкай творчасці, арганізацыя і правядзенне ва універсітэце студэнцкіх і маладзёжных свят, конкурсаў, фестываляў;
• забеспячэнне грамадскага парадку і ахова маёмасці на ўсёй тэрыторыі універсітэта і інтэрнатаў;
• аказанне дапамогі ў працаўладкаванні ў вольны ад вучобы час, у тым ліку праз сістэму летніх будаўнічых, педагагічных, сельскагаспадарчых і валанцёрскіх атрадаў;
• удзел у развіцці навуковых і гуманітарных сувязей са студэнцкімі маладзёжнымі арганізацыямі, грамадскімі аб’яднаннямі, творчымі саюзамі Рэспублікі Беларусь;
• стварэнне ва універсітэце ўмоў для набыцця жыццёвага і прафесійнага вопыту, навыкаў жыцця ў працоўным калектыве, развіцця арганізатарскіх здольнасцей па кіраванню ім;
• стварэнне ўмоў для паляпшэння становішча студэнтаў, вырашэнне іх сацыяльных праблем.

3. Паўнамоцтвы ССУ БДУ культуры і мастацтваў

3.1. Для вырашэння пастаўленых задач студэнцкі савет:
• каардынуе дзейнасць маладзёжных грамадскіх арганізацый (БРСМ, прафкама студэнтаў), студэнцкіх грамадскіх аб’яднанняў, органаў самакіравання на факультэтах і ў інтэрнатах;
• стварае ў структуры ССУ сектары па накірунках сваёй дзейнасці;
• выконвае даручэнні канферэнцыі студэнтаў;
• прымае акты, якія рэгламентуюць дзейнасць ССУ;
• дэлегіруе сваіх членаў для прадстаўлення інтарэсаў студэнтаў на студэнцкіх маладзёжных форумах, прапануе сваіх прадстаўнікоў у склад савета універсітэта і факультэтаў;
• вядзе работу па падрыхтоўцы кадраў студэнцкага актыву;
• прымае ўдзел у стварэнні ўмоў для рэалізацыі ініцыятыў, інтарэсаў і запытаў студэнтаў універсітэта;
• запрашае на пасяджэнні ССУ прадстаўнікоў рэктарата універсітэта, дэканаў факультэтаў, загадчыкаў кафедр і кіраўнікоў структурных падраздзяленняў, куратараў акадэмічных груп, загадчыкаў і выхавацеляў інтэрнатаў, супрацоўнікаў аддзела выхаваўчай работы з моладдзю, а таксама студэнтаў;
• ўдзельнічае ў рабоце прыёмнай камісіі, камісіі па размеркаванні маладых спецыялістаў і інш.;
• пастаянна супрацоўнічае з адміністрацыяй па пытаннях выканання студэнтамі Статута БДУ культуры і мастацтваў, Правілаў унутранага распарадку універсітэта, захавання ў належным стане аўдыторнага абсталявання і маёмасці універсітэта, інтэрнатаў.

4. Правы ССУ БДУ культуры і мастацтваў

4.1. ССУ БДУ культуры і мастацтваў мае права:
• па ўзгадненню з адміністрацыяй універсітэта праводзіць канферэнцыі, сустрэчы, творчыя конкурсы, фестывалі, культурна-масавыя, рэкламна-інфармацыйныя і іншыя мерапрыемствы як сумесна з іншымі арганізацыямі, так і самастойна, у парадку, які не супярэчыць Заканадаўству Рэспублікі Беларусь;
• склікаць канферэнцыю студэнтаў універсітэта ў адпаведнасці з дадзеным Палажэннем;
• прымаць удзел у распрацоўцы і абмеркаванні перспектыўнага і бягучых планаў развіцця універсітэта, яго сацыяльна-бытавой інфраструктуры, а таксама Статута БДУ культуры і мастацтваў і іншых унутраных нарматыўных актаў універсітэта, якія тычацца жыццядзенасці студэнтаў;
• прымаць удзел у распрацоўцы прапаноў па ўдасканаленню арганізацыі навучальнага працэсу, стварэнню неабходных умоў для рацыянальнага выкарыстання вучэбнага часу і адпачынку;
• прымаць удзел у вырашэнні пытанняў аб дысцыплінарнай адказнасці студэнтаў.

5. Абавязкі ССУ БДУ культуры і мастацтваў

5.1. ССУ БДУ культуры і мастацтваў абавязаны:
• прадстаўляць справаздачу аб дзейнасці студэнцкага савета на канферэнцыі студэнтаў БДУ культуры і мастацтваў;
• прымаць неабходныя меры па ахове правоў і інтарэсаў студэнтаў;
• рэгулярна праводзіць пасяджэнні ССУ у адпаведнасці з дадзеным Палажэннем;
• забяспечваць актыўны ўдзел студэнтаў у арганізацыі і правядзенні ўсіх вучэбных і пазавучэбных мерапрыемстваў універсітэта;
• ажыццяўляць пастаянны кантроль за своечасовым і дакладным выкананнем мерапрыемстваў, запланаваных ССУ, студэнцкімі саветамі факультэтаў і інтэрнатаў;
• выступаць ініцыятарам акцый па павышэнню адказнасці студэнцкай моладзі за стан вучобы, дысцыпліны, грамадскай дзейнасці, арганізацыі быту і адпачынку;
• ведаць і кіравацца прававым механізмам жыццядзейнасці БДУ культуры і мастацтваў і сістэмы мастацкай адукацыі.

6. Супрацоўніцтва ССУ з адміністрацыяй БДУ культуры і мастацтваў

6.1. Узаемадзеянне ССУ і Адміністрацыі БДУ культуры і мастацтваў ажыццяўляецца ў адпаведнасці з Заканадаўствам Рэспублікі Беларусь, Статутам універсітэта, дадзеным Палажэннем і іншымі дакументамі, які рэгламентуюць дзейнасць маладзёжных, грамадскіх арганізацый і аб’яднанняў.
6.2. Адміністрацыя універсітэта далучае ССУ да работы ў складзе Савета універсітэта, распрацоўкі планаў выхаваўчай работы і іншых дакументаў.
6.3. ССУ аказвае дапамогу Адміністрацыі універсітэта ў вырашэнні статутных задач ВНУ, выкананні планаў універсітэта.

7. Арганізацыйная структура ССУ БДУ культуры і мастацтваў

7.1. Вышэйшым органам ССУ з’яўляецца канферэнцыя, якая праводзіцца не радзей 1 раза ў год.
7.2. Рашэнне аб скліканні канферэнцыі студэнтаў БДУ культуры і мастацтваў прымаецца ССУ. Пазачарговая канферэнцыя склікаецца па ініцыятыве Студэнцкага савета ці па ініцыятыве не меньш 1/3 студэнтаў. Тэрміны і парадак правядзення канферэнцыі вызначаюцца ССУ.
7.3. Канферэнцыя правамоцна, калі на яе пасяджэнні прысутнічае не меньш 2/3 абраных дэлегатаў. Рашэнні канферэнцыі правамоцны, калі за іх прагаласавала больш паловы ўдзельнікаў.
7.4. Канферэнцыя ССУ:
• абірае старшыню ССУ, фарміруе склад ССУ;
• вызначае прыярытэтныя накірункі дзейнасці ССУ, прымае рэзалюцыі, звароты і пастановы па ўсіх пытаннях дзейнасці студэнцкага самакіравання;
• заслухоўвае справаздачы старшынь, членаў ССУ па ўсіх відах дзейнасці і вырашаемых задачах;
• зацвярджае план работы ССУ;
• вызваляе старшыню ССУ ад абавязкаў на пасяджэнні ССУ, калі за дадзенае рашэнне прагаласуе не меньш 2/3 прысутнічаючых на пасяджэнні, ці на сходзе дэлегіраваных паўнамоцных прадстаўнікоў, калі за дадзенае рашэнне прагаласуе больш паловы дэлегатаў схода.
7.5. У перыяд паміж канферэнцыямі агульнае кіраўніцтва студэнцкім самакіраваннем ажыццяўляе ССУ. У склад ССУ уваходзяць:
• старшыня;
• старшыні студэнцкіх саветаў факультэтаў;
• старшыні студэнцкіх саветаў інтэрнатаў;
• намеснік сакратара ПА ГА “БРСМ” універсітэта,
• намеснік старшыні прафкама студэнтаў універсітэта;
• кіраўнікі сектараў.
7.6. Пасяджэнні ССУ праводзяцца па меры неабходнасці, але не радзей 1 раза ў месяц. Пасяджэнні ССУ правамоцны, калі прысутнічаюць не меньш паловы членаў ССУ. Рашэнні правамоцны, калі за іх прагаласавалі больш паловы членаў ССУ з ліку прысутнічаючых.

8. Правы і абавязкі старшыні ССУ БДУ культуры і мастацтваў

8.1. Старшыня ССУ БДУ культуры і мастацтваў мае права:
• вызначаць прыярытэтныя накірункі ў дзейнасці ССУ;
• патрабаваць ад членаў ССУ выканання прынятых на пасяджэннях студэнцкага савета рашэнняў;
8.2. Старшыня ССУ БДУ культуры і мастацтваў абавязаны:
• кіраваць дзейнасцю ССУ;
• каардынаваць дзейнасць студэнцкіх саветаў факультэтаў і інтэрнатаў універсітэта;
• прадстаўляць інтарэсы ССУ у адміністрацыі БДУ культуры і мастацтваў, Савеце універсітэта і Каардынацыйнай радзе па справах студэнцкай моладзі і выхаваўчай рабоце.
8.3. Старшыня выбіраецца членамі ССУ на першым пасяджэнні і зноў абранага ССУ большай колькасцю галасоў адкрытым ці тайным галасаваннем з членаў ССУ. Першае пасяджэнне праводзіцца не пазней трох дзён са дня выбараў новага ССУ.
8.4. Старшыня ССУ спыняе сваю дзейнасць па наступных падставах:
• невыкананне патрабаванняў дадзенага Палажэння;
• ажыццяўленне дзейнасці, якая супярэчыць мэтам і задачам ССУ;
• рашэнне аб вызваленні старшыні ССУ ад займаемай пасады прымаецца на пасяджэнні ССУ, калі за дадзенае рашэнне прагаласуе не меньш 2/3 прысутнічаючых на пасяджэнні, ці на сходзе дэлегіраваных паўнамоцных прадстаўнікоў, калі за дадзенае рашэнне прагаласуе больш паловы дэлегатаў.

9. Правы і абавязкі членаў ССУ БДУ культуры і мастацтваў

9.1. Членам ССУ можа быць абраны любы студэнт БДУ культуры і мастацтваў.
9.2. Члены ССУ маюць права:
• удзельнічаць і мець доступ на ўсе студэнцкія мерапрыемствы, якія праводзяцца ва універсітэце;
• добраахвотна выйсці са складу ССУ, падаўшы пісьмовую заяву старшыні савета.
9.3. Член ССУ абавязаны:
• выконваць патрабаванні Статута БДУ культуры і мастацтваў і дадзенага Палажэння;
• выконваць рашэнні канферэнцыі студэнтаў і ССУ БДУ культуры і мастацтваў;
• выконваць прынятыя на сябе абавязкі на высокім узроўні;
• падтрымліваць ініцыятывы студэнтаў БДУ культуры і мастацтваў;
9.4. Члены ССУ выбіраюцца на канферэнцыі студэнтаў БДУ культуры і мастацтваў тэрмінам на 1 год.
9.5. Адлічэнне з членаў ССУ ажыццяўляецца па наступных падставах:
• невыкананне патрабаванняў дадзенага Палажэння;
• ажыццяўленне дзейнасці, якая супярэчыць мэтам і задачам ССУ;
• адсутнасць на трох пасяджэннях ССУ без уважлівых прычын на працягу вучэбнага года;
• факты парушэнняў (вымовы, адлічэнне з універсітэта, у тым ліку па ўласнаму жаданню).
Рашэнне аб выключэнні з членаў ССУ прымаецца простай большасцю на пасяджэнні ССУ шляхам адкрытага галасавання.

10. Спыненне дзейнасці ССУ БДУ культуры і мастацтваў

Спыненне дзейнасці ССУ БДУ культуры і мастацтваў ажыццяўляецца шляхам яго рэарганізацыі ці ліквідацыі. Рашэнне аб ліквідацыі можа быць прынята:
• на дэлегіраванным сходзе паўнамоцных прадстаўнікоў, калі за рашэнне прагаласавала не меньш 2/3 ад дэлегатаў, якія прысутнічаюць;
• па другім падставам, прадугледжаным Заканадаўствам Рэспублікі Беларусь.

Нач. аддзела выхаваўчай работы з моладдзю
Л.М.Чарнабрысава