Аб факультэце

Дэкан – кандыдат педагагічных навук дацэнт Яцэвіч Мікалай Аляксандравіч ( vasniks@tut.by )

Факультэт інфармацыйна-дакументных камунікацый (ФІДК) з'яўляецца старэйшым факультэтам універсітэта. Яго гісторыя пачынаецца з 1944 г., калі ў Мінскім педагагічным інстытуце імя М.Горкага быў створаны бібліятэчны факультэт. З той пары на факультэце было падрыхтавана больш за 12 тысяч спецыялістаў у галіне бібліятэчнай і музейнай справы, якія працуюць у бібліятэчна-інфармацыйных установах Беларусі, Венгрыі, Польшчы, Расіі, Украіны, ЗША і іншых краін. Сярод выпускнікоў факультэта – Герой Савецкага Саюза А.Мазанік, Упаўнаважаны па справах рэлігій і нацыянальнасцяў Л.Гуляка, доктар гістарычных навук, прафесар А.Сарокін, загадчык аддзела прозы часопіса "Полымя" пісьменнік А.Федарэнка, дырэктар Нацыянальнай бібліятэкі Беларусі (НББ) Р.Матульскі, заслужаныя дзеячы культуры Рэспублікі Беларусь Г.Алейнік, Л.Кірухіна, С.Юдо і іншыя.

За 64 гады плённай працы на факультэце створана шматузроўневая бесперапынная сістэма бібліятэчнай адукацыі: сярэдне-спецыяльная ўстанова – універсітэт – магістратура – аспірантура – дадатковая адукацыя (атрыманне другой спецыяльнасці, павышэнне кваліфікацыі, перападрыхтоўка). Для кожнага з узроўняў сумеснымі намаганнямі ФІДК, Магілёўскага бібліятэчнага тэхнікума, а таксама факультэта павышэння кваліфікацыі і перападрыхтоўкі кадраў Беларускага  дзяржаўнага універсітэта культуры і мастацтваў (БДУКіМ) распрацавана адпаведная нарматыўная і навукова-метадычная дакументацыя: стандарты, скразныя вучэбныя планы, праграмы вывучаемых дысцыплін, вучэбныя дапаможнікі.

Зараз на факультэце навучаецца каля 700 студэнтаў па 4 спецыяльнасцях: “Бібліятэказнаўства і бібліяграфія”, кваліфікацыі: “Бібліятэкар-бібліëграф. Менеджэр”; “Бібліятэкар-бібліёграф. Спецыяліст па аўтаматызаваных бібліятэчна-інфармацыйных сістэмах (АБІС)”; “Бібліятэкар-бібліёграф. Перакладчык”; “Бібліятэкар-бібліёграф. Таваразнаўца”, "Бібліятэкар-бібліёграф. Спецыяліст па інфармацыі". "Бібліятэказнаўства і бібліяграфія. Беларуская мова і літаратура”, кваліфікацыя: “Бібліятэкар-бібліëграф. Выкладчык беларускай мовы і літаратуры”.

“Лінгвістычнае забеспячэнне міжкультурнай камунікацыі (інфармацыйнае абслугоўванне)”, кваліфікацыя: "Спецыяліст па міжкультурнай камунікацыі. Рэферэнт-перакладчык".

“Музеязнаўства і ахова гісторыка-культурнай спадчыны”, кваліфікацыя “Музеязнаўца”.

У межах пералічаных спецыяльнасцей навучанне вядзецца па дванаццаці спецыялізацыях.

Вучэбны і навуковы працэс забяспечваюць 4 спяцыяльныя і 2 агульнауніверсітэцкія кафедры, у штаце якіх працуюць каля 70 выкладчыкаў. Большасць з іх маюць навуковыя ступені і званні. Да працы на факультэце актыўна далучаюцца вядомыя спецыялісты ў галіне інфармацыйна-дакументных камунікацый: дырэктар НББ доктар педагагічных навук прафесар Р.Матульскі; намеснік дырэктара НББ кандыдат педагагічных навук дацэнт Т.Кузьмініч; загадчык аддзела НББ кандыдат педагагічных навук А.Прадзеіна; дырэктар інстытута мастацтвазнаўства, этнаграфіі і фальклору НАН Беларусі доктар ахрітэктуры і доктар гістарычных навук А.Лакотка; вядучыя спецыялісты ў галіне аўтаматызацыі бібліятэчнай справы.

Ва універсітэце працуе Спецыялізаваны савет па абароне дысертацый на суісканне вучонай ступені кандыдата педагагічных навук па спецыяльнасці 05.25.03 – «Бібліятэказнаўства, бібліяграфазнаўства і кнігазнаўства».

Гістарычныя вехі развіцця факультэта:

29 ліпеня 1944 г. – Пастанова СНК БССР аб стварэнні бібліятэчнага факультэта ў складзе Мінскага педагагічнага інстытута імя М.Горкага.
Кастрычнік 1944 г. – пачатак заняткаў на факультэце з першымі 30-цю студэнтамі. Адкрыццё кафедры бібліятэказнаўства.
Канец 50-х гг. – на факультэце навучаецца звыш 200 студэнтаў.
1950-1960 гг. – адкрыццё вячэрняга, завочнага аддзяленняўі экстэрнату.
1960 г. – стварэнне кафедры бібліяграфіі.
60-я гг. – пераход да падрыхтоўкі спецыялістаў па тыпах бібліятэк: «Масавыя і навўковыя бібліятэкі», «Дзіцячыя і школьныя бібліятэкі», «Тэхнічныя бібліятэкі».
1969-1970 гг. – адкрыццё на факультэце аддзялення кўльтасветработы па спецыялізацыі «харавое дырыжыраванне».
1975 г. – адкрыццё на базе факўльтэта бібліятэказнаўства і бібліяграфіі Мінскага інстытута кўльтуры. Стварэнне кафедры тэхнічнай літаратуры і інфарматыкі.
1978 г. – стварэнне кафедры дзіцячай літаратуры і бібліятэчнай работы з дзецьмі.
1983 г. – пераход на новы тыпавы вучэбны план і фарміраванне спецыялізацый па галіновых комплексах літаратуры: «бібліятэказнаўства і бібліяграфія грамадскапалітычнай літаратуры», «бібліятэказнаўства і бібліяграфія мастацкай літаратўры», «бібліятэказнаўства і бібліяграфія тэхнічнай літаратўры», «бібліятэказнаўства і бібліяграфія сельскагаспадарчай літаратуры», «бібліятэказнаўства і бібліяграфія дзіцячай літаратуры і літаратуры для юнацтва».
1983 г. – распачата падрыхтоўка кадраў па спецыялізацыі “Методыка выкарыстання сродкаў механізацыі і аўтаматызацыі ў бібліятэчнай справе».
Другая палова 80-х гг. – стварэнне кафедры фондаў і ката-логаў кафедры галіновых біблія-графій і дакўментазнаўства, ка-федры інфарматыкі і тэхнічных сродкаў.
Канец 80-х гг. – 70 працэнтаў выкладчыкаў факультэта маюць вучоныя ступені і званні.
80-я гг. – толькі на дзённую формў навучання на факультэт штогод прымаецца каля 200 студэнтаў з Беларусі. На факультэце навучаецца каля 80-ці замежных студэнтаў.
Пачатак 90-х гг. – рэзкае зніжэнне набору студэнтаў на факультэт і аб'яднанне кафедраў.
1993-2003 гг. – па спецыяльнасці «бібліятэказнаўства і бібліяграфія» на факультэце працуюць тры спецыяльныя кафедры: бібліятэказнаўства, бібліяграфіі і дакументазнаўства, аўтаматызаваных бібліятэчна-інфармацыйных сістэм.
1993 г. – пераўтварэнне Мінскага інстытута культуры ў Беларускі універсітэт культуры. Змена назвы факультэта на «Факультэт бібліятэчна-інфармацыйных сістэм». Пераход на пяцігадовы універсітэцкі ўзровень падрыхтоўкі спе-цыялістаў. Распрацоўка новага вучэбнага плана. Адкрыццё аспіран-туры па спецыяльнасці «бібліятэ-казнаўства і бібліяграфія».
1994 г. – стварэнне кафедры гісторыі Беларусі і музеязнаўства і ажыццяўленне набору на спецыяльнасць «музейная справа і ахова помнікаў гісторыі і культуры».
1994-1995 гг. – распачата рэалізацыя праграмы шматузроўневай падрыхтоўкі спецыялістаў з вышэйшай адукацыяй на базе Магілёўскага бібліятэчнага тэхнікума і Мінскага лінгва-гуманітарнага комплексу «гімназія - каледж» № 24 з 3-х гадовым тэрмінам навучання вауніверсітэце. Адкрыццё бакалаўрыяту і магістратуры.
1996 г. – адкрыццё здвоенай спецыяльнасці «бібліятэказнаўства і бібліяграфія, беларуская мова і літаратура».
1999 г. – адкрыццё аспірантуры па спецыяльнасці «музейная справа і ахова помнікаў гісторыі і культуры».
1998-1999 гг. – распрацоўка і выданне першага дзяржаўнага адукацыйнага стандарта па спецыяльнасці «бібліятэказнаўства і бібліяграфія».
2000-2001 гг. – распрацоўка і зацвярджэнне ў адпаведнасці з адукацыйным стандартам новага базавага вучэбнага плана па спецыяльнасці «бібліятэказнаўства і бібліяграфія».
2002 г. – уключэнне ў «Агульнадзяржаўны класіфікатар Рэспублікі Беларусь. Спецыяльнасці і класіфікацыі» трох спецыяльнасцей факультэта і 16-ці спецыялізацый, а таксама напрамкаў спецыяльнасцей і здвоеных кваліфікацый. Аднясенне ў класіфікатары спецыяльнасцей факультэта ў напрамак «інфармацыя і камунікацыя».
Красавік 2003 г. – рэарганізацыя факультэта ў факультэт інфармацыйна-дакументных камунікацый з кафедрамі: гісторыі і тэорыі інфармацыйна-дакументных камунікацый, інфармацыйных рэсурсаў, менеджменту інфармацыйна-дакументнай сферы, гісторыі Беларусі і музеязнаўства, беларускай філалогіі, замежных моў, сусветнай літаратуры.
2003 г. – Ажыццяўленне спецнабору студэнтаў для Нацыянальнай бібліятэкі Беларусі.
Кастрычнік 2004 г. – 60-годдзе факультэта.
Верасень 2005 г. – адкрыццё спецыяльнасці “Лінгвістычнае забеспячэнне міжкультурнай камунікацыі (інфармацыйнае абслугоўванне)”.
Ліпень 2006 г. – аб'яднанне кафедраў “Беларускай філалогіі” і “Сусветнай літаратуры” у кафедру “Беларускай філалогіі і сусветнай літаратуры”.